Dalpega ta bati Quisqueya i Baranka ta suta Navegantes den Liga van Engelen

Liga van Engelen a kontinuá djadumingu último na Suvek Ballpark.
Dalpega a zona Quisqueya pa nòkout 18-6 i Baranka tambe a parti nòkout batiendo Navegantes 14-3.
Power a bapuliá Uniko 21 pa 6, ke mèn siman pasá tabata siman di nòkout.

RESULTADONAN
Dalpega 18, Quisqueya 6
E ekipo Dalpega a bati 14 hit i nan a hasi 2 eror.
Jose Obispo tabata e picher ganadó, miéntras Abigail Vilchez a bai di 3-3.
Abigail Vilchez i Sharlon Louisa a bati un homerun.
Pa Quisqueya 9 hit i 1 eror.
Gurtney Adriana a pèrdè.
Ramon Moreta a bai di 3-2.

Quisqueya ekipo formá pa Dominikanonan biba na Kòrsou. Nan tin varios aña den Liga van Engelen

Buena Vista Power 21, Uniko 6
Buena Vista Power tabatin 22
hit i nan a hasi 1 eror.
Miro Daal a resultá esun ku a gana, miéntras Sherton Saturnino a bai di 4-4.
Royston Jakoba a konektá 2 homerun.
Gilbert Juliet i Sherton Saturnino a konektá un homerun.
E ekipo Uniko a bati 5 hit sin kometé eror.
Gustaaf Barhorst tabata esun ku a pèrdè.
Tjark Valies i Gilbert Adriana a bai di 1-1.
Leticio Rosa a konektá un homerun.

Baranka 14, Navegantes 3
Baranka a bati 17 inkogibel i nan a kometé un eror.
Kenrick 'Kenny' Hellement a resultá e picher ganadó, miéntras Ericson Martina a bai di 4-4.
Mayron Martinus, Ramsey Koeyers, Gilbert Santiroma i Ericson Martina a konektá un homerun.
Navegantes a bati 4 hit i nan a hasi 3 eror.
Fardley Lard a pèrdè i Joel Angelista a bai di 3-2.

Crazy Tigers 14, Lions 10
Crazy Tigers a bati 12 hit i nan no a hasi eror.
Marlon Noor a gana, miéntras Stanley Palm a bai di 3-2.
Fhurgion Booi i Michael Silvania tambe a bai di 3-2.
Marlon Noor a konektá un bataso di kwater skina.
Lions tabatin 15 hit i nan a kometé 4 eror.
Freddy Jimenez a pèrdè i Giancarlo Martina a bai di 2-2.
Royston Gregorio a bai di 3-3.