Kòrsou kompetiendo den Sòftbòl Little i Junior League na Mexico

Djadumingu dia 22 di yüli un delegashon di Little i Junior League Sòftbòl Little League a sali pa Mexico pa e di 8 kampionato Latino Americano di Sòftbòl Little League. Despues di un biahe via Miami pa Mexico e delegashon a yega Mexico.
E kongresiyo di dia 23 di yüli a bai hopi bon bon hinka den otro. Ku un powerpoint presentashon Power point Zapata a splika i informá tur kos. Un mapa ku tur informashon a kompaña esaki. E delegadonan di kada pais a haña turno pa dirigí palabra na kual okashon delegado mayo Corva Lourens a duna dos punta di palabra (manera un bon yu Kòrsou ta bisa).

Corva Lourens, Chaunice 'Pushe' Maduro, Miriela Carlo preparando den luna di yuni pa Mexico durante un enkuentro na Klup UTS na Regentesselaan.
Djarason 23 di yüli den oranan di mainta, divishon Little a hunga kontra Puerto Rico.
Nan a perde ku skor di 10-0, un skor no muchu bunita. Un ke otro tin di haber ku e nerviosismo di e muchanan. Pa 10 di e 14 muchanan e kos aki ta nobo. Hopi públiko, hopi apoyamentu di parti di Puerto Rico etc. etc. esnan ku e eksperensha tambe a faya aki aya. pero nos tin e speransa di mayan tur kos lo bai mihó ya komo e muchanan lo ta mas relahá.

Junior su wega kontra di aruba tabata anybody´s game. Den e último chèns di Kòrsou pèrdiendo 2-1, Stephanie Emerenciana ta yega segunda riba un doblete ku un hit den leftcenter ku a bula e leftfield. Poeni ta sali out ku un rolling pa primera. Shareday Cristina ta buta un toke i yega safe na primera ya komo ku e tersera base a purba di saka Emerenciana out na tersera sin logra, e tambe a yega safe. Ku un hit solido di Lydia Pieternella den right Emerenciana i Cristina ta nota pa hasi e wega 3-2 na nos fabor. Den e último chèns pa Aruba Stephanie Henriquez ku a picha henter e wega a saka dos out fásil pa despues tambaliá un tiki. Sinembargo e la logra sak e di tres out pa Kòrsou bai ku e triunfo.

E muchanan tur ta Ok. Aki aya basta di nan ta sinti doló di kabes. E kambio di wer ta un tiki di influensha pero nos tin tur kos bou di kòntròl.
Kuminda ta OK i e trato tambe ta OK.
Mexico a hasi hopi esfuerso pa organisá e kampionato aki i si tur kos kana manera te awor nan por wak bek riba un kampionato hopi eksitoso den tur sentido.

Danki na Corva Lourens, hefe di delegashon pa e relato aki.

E delegashon ta keda na Mexico

Hotel Fontan 55 500 26 300 (tel)
Corva Lourens kamber 1125
Sylvania Clarcke kamber 1126


SKEDJEL
Djamars 24 di yüli
Puerto Rico 10 – Kòrsou 0 (Little)
Kòrsou 3 - Aruba 2 (Junior)

Djarason 25 di yüli
9’or Mexico – Kòrsou (Little)
11’or Puerto Rico – Kòrsou (Junior)
1’or Kòrsou – Sierra Madre (Junior)

Djaweps 26 di yüli
11’or Kòrsou – Mexico (Little último wega)
3’or Kòrsou – Mexico (Junior último wega)

Djabièrnè 27 di yüli
Final...

Djasabra e delegashon lo biaha via Miami pa Kòrsou.