Prison/Onderwijs ta nòkout UTS 18-8 i ta klasifiká pa final Intergubernamental

SANTA MARIA Prison/Onderwijs a dal UTS 18-8 i ta pasa pa final di Sòftbòl Intergubernamental 2007.
Dilanti un púbiko grandi djarason, 28 di novèmber 2007 na Frank Curiel Ballpark e kombinashon Prison e esnan den enseñansa a pasa riba e kampionnan di aña pasá UTS.

Den e sekshon Femenina Konseho Insular BC ta gana Prison UTS 11-3 pero Prison/ UTS ta bira kam-pion Intergubernamental Femenina. Den Femenina no tabatin play-off. E ekipo ku mihó rekòrt a bira kampion.
E gran final Maskulino Prison/Onderwijs vs Aqualectra lo tuma lugá djaluna awor 8’or na Frank Curiel Ballpark.

RESULTADONAN
Prison/Onderwijs 18, UTS 8
E kombinashon di trahadó-

nan di Bon Futuro i esnan den edukashon a dal 16 hit i hasi 2 eror. Anthony Servanie a gana i Herbert Sint Jacoba a bati di 4-4. Tyron de Palm a bati di 3-3.
Prison/Onderwijs a bati 4 homerun. Tyron de Palm, Herbert ‘Depo’ Sint Jacoba, Efraim ‘ Junny’ Obispo i Wendell Anthony a dal un homerun.
UTS a bati 6 hit i hasi 4 eror. Lopez a resultá e picher pèrdèdó i Remy Thielman a
bati di 3-2. Shurendy

Lourens a bati di 1-1. Remy Thielman i Shurendy Lourens a bati un homerun.

Konseho Insular 11, Prison/UTS 3
Konseho Insular a bati 13 hit i hasi 3 eror. Anuska Cadeau a gana i Maryolijn Dams a bati di 3-2. Saby de Bies tambe di 3-2. Shanon Dams tabatin un homerun.
Prison a bati 5 hit i hasi 6 eror. Shadira Pietersz a pèrdè i Zanette Isebia a bati di 2-1.