Diegomar Markwell ta apoyá peloteronan Antiano ku ta bayendo Hulanda pa Haarlemse Honkbalweek 2008

WILLEMSTAD / AMSTERDAM - Softballcuracao.com a risibí un entrevista sostené ku e eks profeshonal Diegomar Markwell ku ta miembro di e selekshon di Hulanda.
Nos ta reprodusí e komunikado aki pa nos lesadónan.

Kiko bo mensahe ta pa e peloteronan antiano ku ta bayendo Hulanda pa Haarlemse Honkbalweek 2008 ?
Mi ta kere nan mester bin ku e meta ku nos a dal un stap bai dilanti komo baseball antiano i disfrutá di e momentu anto kòrda semper bo ta representá un bandera i semper duna lo máksimo.Awor ku bosnan a haña e oportunidat aki probechá di dje i no lag’é bai pèrdí paso dor di bosnan disiplina i amor pa e baseball a pone direktiva bringa pa yega na un invitashon pa partisipá den un torneo ku ta Haarlemsehonkbalweek 2008 na Hulanda


Diegomar Markwell picher slengu yu di Korsou di selekshon di Hulanda

Kiko bo eksperiensha di e evento aki ta ?
E evento aki ta algu hopi great paso bo por mira peloteronan Kubano ku ta hunga den e ekipo prinsipal anto ta algu kaminda tur pais ta kompartí idea ku otro paso tur hende ta bai den mesun hotèl. Si bo duna lo máksimo esaki lo habri kaminda pa Antia pa otro invitashon pa demas torneo na Hulanda probechá di e oportunidat aki anto duna lo máksimo i mustra ku nos por kompetí na nivel internashonal.

Kon e espektativa ta na Hulanda pa e wega kontra di Antia/Aruba
Mi ta kere ku pa nos ta un espektativa hopi grandi paso ya nos lo enfrentá peloteronan di taya ku semper nos a wak i train huntu kuné, mi ta kere lo e bira un wega ku hopi emoshon paso tur hende ke hasi bèst anto aworakí pa nos antianonan ku ta hunga na Hulanda ta algu hopi grandi ya komo nos tur konosé otro nos tur ke mustra otro kiko otro su nivel ta riba vèlt

Kiko bo a pensa u despues di hopi aña tin algu pa peloteronan na Antia partisipá
Mi ta kere ku esei lo ta algu hopi importante ya komo tur e peloteronan ta yega un kaminda anto muri paso no tin nada di hasi pa nan. p’esei mes mi ta kere ku hasiendo esaki lo yuda anos baseball na antia hopi mas tantu ya komo tin algu ku e peloteronan por sigui krese anto saka kara di nos pais internashonalmente .

MI KIER A TERMINA BISANDO KU MI TA SPERA BOSO DISFRUTA DI EVENTO AKI ANTO KU TUR KOS SIGI BAI MANERA BOSNAN TA DESEA SIGI HASI BOSNAN BEST TANTU PELOTERONAN KOMO DIRIGINTENAN DI Nos BASEBALL ANTIANO I Tambe DIREKTIVA KU TA SOSTENE BOSNAN

Diegomar