Fortis Bank Femenino i Maskulino a gana djaweps anochi

WILLEMSTAD - Fortis Bank tabata den gran forma djaweps ganando wega tantu den e sekshon Femenino komo Maskulino den e torneo SBAB. Den e promé wega den e sekshon Maskulino Fortis a gana di FCIB/ Equity Trust ku skor di 14-13 ku Darsy Martinus destakando den picheo i bateo. Fortis a gana Ate ku skor pèrtá 3-2.

Den e wega number dos aki Sharin Zimmerman, yu di Mirto Zimmerman i ruman di Gregory Zimmerman, tabata den gran forma mes. Sharin a picha i sali picher ganadó, bati di 2-2 i empuhá kasi tur kareda pa su ekipo Fortis gana.
En todo kaso weganan ta sigui djasabra na Suvek i kòrda mayan ta na Trai Seru den Ciirlo Chirino Ballpark tin wega debí ku Liga van Engelen ta start na Suvek.

RESULTADONAN
Fortis 14, FCIB 13
Fortis a dal 19 hit i hasi 4 eror. Darcey Martinus a gana i e mes a bati di 4-3.
FCIB/Equity Trust a konektá 16 hit i hasi 8 eror. (hepa).
Ethley Albertus a resultá e picher pèrdèdó i e mes a bati di 3-3. E wega a terminá pèrtá ruman.

Fortis 3, Ate 2
Fortis a dal 5 hit i hasi 4 eror. Sharin Zimmerman tabata e picher ganadó i e mes a bati di 2-2 (Den gran forma !!).
Ate a bati 4 hit i hasi 2 eror. Mylene Testing a resultá e picher pèrdèdó i Suhely Liberia a bati di 1-1.