Kooyman pa final den femenino i Coca Cola den maskulino den The Champions League

WILLEMSTAD - Kooyman a gana UNA ku skor di 6-4 pa bai final den Komersial Femenino, miéntras Coca Cola a gana The Bear Armored 20-11 pa klasifiká pa final den Komersial Maskulino.

RESULTADONAN
MASKULINO
CDM stars 20, Casa Cesar 4
Ku un viktoria fásil e ekpio di DOK ta gana di Casa Cesar. Pa DOK den e wega aki 20 kareda, 19 hit i 1 eror. Richard Koeiman a gana. Na bate Gergival Cetlin i J.Statia di 2-2.
Pa Casa Cesar 4 kareda, 10 hit i 5 eror. Wently Sirberie a pèrdè. Jaime Jardin a bati di 3-3.
Ku e resultado aki Casa Cesar ta keda eliminá i e ekipo di DOK ta pasa pa e siguiente buèlta.

Coca Cola/UTS 20, The Bear Armored 11
Coca Cola/UTS ta anotá 11 kareda den di 4 ining pa gana di The Bear Armored.
Ku e viktoria aki Coca Cola/UTS ta pasa pa e gran final i e ekipo di The Bear Armored lo mester hunga e siguiente buèlta kontra di e ekipo di DOK den un seri mihó di 3. Pa Coca Cola/UTS 20 kareda, 20 hit i 3 eror. Picher ganadó Hairich Martina i e mes tambe a destaká na bate
bayendo di 3-3. Pa The Bear Armored ku a presentá kompletu, 11 kareda, 18 hit i 0 eror. Jose Obispa a sufri e derota. Na bate Quintin de Cuba di 3-3.

FEMENINO
Kooyman 6, UNA 4
Kooyman ta anotá 4 kareda den di 2 entrada pa sigurá nan viktoria riba e ekipo hoben di UNA i pasa pa e gran final Komersial Femenino di The Champions League.
Pa Kooyman 6 kareda, 6 hit i 0 eror. Valerie Stins a gana. Na bate Michenou Toregrosa di 1-1. Pa UNA 4 kareda 8 hit i 3 eror. Na bate Gesilene Kerindongo di 2-2. Ku e resultado aki UNA lo mester hunga 1 wega desisivo kontra di Building Depot/VIP pa determiná e ekipo ku lo hunga kontra di Kooyman den e gran final.

Treasure New Era 3, Destination 0
Ku gran labor di Carine Fluonia Treasure New Era ta gana di Destination ku skor di 3-0 i asina ei ta pasa pa e
siguiente buèlta di e weganan di playoff di The Champions League. E wega a wòrdu disidí for di den di promé entrada na momentu ku Treasure a anotá 2 kareda. Pa Treasure New Era 3 kareda, 7 hit i 2 eror. Carine Fluonia a gana. Na bate a destaká Migarda Doran di 3-3.
Pa Destination 0 kareda, 6 hit i 2 eror. Mildred Berenstein a sufri e derota. Dalila Martina i Natasha Marselia a bati di 3-2. Ku e resultado aki e ekipo di Destination ta keda eliminá.

Nos Goso Girobank 3, The Champions 0
Den un otro bon wega Nos Goso Girobank tras di lansamentunan di Carlientje Cleopa ta bolbe gana di The Champions i di e manera aki ta pasa pa di 4 aña sigui pa e gran final.
Pa Nos Goso 3 kareda, 4 hit i 2 eror. Carlientje Cleopa a gana. Na bate Carlientje Cleopa mes huntu ku Girela Isabella, Asila Finies, Leonise Avastia tur di 3-1. Pa The Champions 0 kareda, 6 hit i 2 eror. Juglin Winklaar a bati di 2-2. Ku e resultado aki The Champions lo mester enfrentá Treasure New Era den e siguiente seri di mihó di 3 pa determiná e di dos ekipo ku lo pasa e gran final.