Skarlo ta blackout Speedy i Gamers den un Double-header

Skarlo ku tabatin ‘doubleheader’ djasabra último a blackout su dos kontrin-kantenan den kontinua-shon di buèlta number dos di Liga Amstel.
Skarlo a blackout Speedy i Gamers.

RESULTADONAN
Skarlo 17, Speedy 2
Skarlo a bati 16 hit i nan a kometé 2 eror.
Edison Sambo a bai ku e viktoria, miéntras Lindomar Cathalina a bai di 3-3.
Guiseppe Sambo tambe a bai di 3-3. Lindomar Cathalina i Eldert Bakker a konektá 2 homerun.
Luis Alcantara i Glendomar Davelaar a konektá 1 homerun.
Speedy tabatin 8 hit i nan a hasi 2 eror. Shahairy Eustacia a sufri e derota i e mes tabata e mihó na bate.

Skarlo 19, Gamers 2
Skarlo a bati 17 hit i nan a hunga impekabel. Elson Pieter tabata picher ganadó. Eugene Antonia i Ryan Samuel a bati di 3-3. Sendley Reina a konektá 2 homerun.. Rignald Hooi i Lindomar Cathalina a konektá 1 homerun.
Gamers a bati 5 hit i nan a kometé 5 eror. Geraume Bor tabata e pèrdèdó i Francis Heyer a bai di 2-1. Geraume Bor a konektá 1 homerun.

Chincho Sharks 14, Los Unidos 12
Chincho Sharks a bati 16 inkogibel i nan a pifia na 5 okashon. Railison Gijsbertha a gana, miéntras Giovanni Martina a bai di 1-1.
Nathaniel Ravenstein tambe a bati di 1-1. Robert Ramazan i Jarl Henriquez a konektá 1 bataso di kuater skina.
Los Unidos a dal 14 hit i nan a hasi 2 eror. Jonathan Martijn a pèrdè i e mes a bati di 2-2.

Omel 10, Padres 7
Omel a bati 12 hit i nan a hunga sin eror. Gilbert Henriette a gana, miéntras Aishel de Palm a bai di 3-2.
German Genaro tambe di 3-2. Padres a bati 10 hit i hasi 7 eror. Anthonie Servanie a gana i Faisel Pereira a bai di 2-2. Wensley Ansano a konektá 1 homerun.

Bombers 5, Curacao Real Team 1
E ekipo Bombers a bati 9 hit i nan a kometé 1 pifio.
Lesly Martina tabata picher ganadó i Rolin Eustatius a bai di 1-1. Gensley La Croes i Rolin Eustatius a konektá 1 bataso di kuater skina.
Curacao Real Team tabatin 8 hit i nan a hasi 1 eror.
Claifson Domacasse tabata pèrdèdó. Lionel Privania i Selwin Daal a bai di 3-2.