Douane/CEMS a gana CPS/Haf ku skor di 13-5 ayeranochi den Torneo Isla

WILLEMSTAD - Douane/CEMS a gana CPS/Haf relatívamente fásil ku skor di 13-5 ayeranochi na Stadion Post 6.
Tabata e último wega di e buèlta regular di Torneo Komersial Refineria Isla 2010. Despues di Karnaval lo start ku play-off.

Djaluna 1 di februari
Douane/CEMS 13, CPS/Haf 5
Douane/CEMS a konektá 16 hit i hasi 2 eror. Faisel Pereira a gana i Benjamin Bikker a bati di 4-4.
CPS a konektá 10 hit i a hasi 5 eror. Dudley Penso a pèrdè i Geofrey Nicolaas a bai di 3-3.

Djadumingu 31 di yanüari
Coca Cola 9,

Prizon/Onderwijs 7
E ekipo Coca Cola a bati 10 hit i nan a hunga impekabel.
Sharlon Nonoi tabata picher ganadó, miéntras Ramses Meulens a bati di 3-2.
Edwin Thielman, Gilbert Belioso i Thomas Guayase, tambe a bai di 3-2.
Prizon/Onderwijs tabatin 14 hit i nan a hasi 5 eror.
Pèrdèdó tabata Quintin Martina, miéntras Anthony Servanie a bai di 3-2.
Eldrin Ortega a bai di 3-2. inkluyendo 1 homerun.

Gerson Beaumont i Quintin Martina tambe a bati di 3-2.

Selikor 16, Douane/CEMS 1
Selikor a bati 19 inkogibel i nan a kometé 2 pifio.
Russel Hellement a gana, miéntras Hellary Plantijn i Rudsel Jancobs a bati d 3-3.
Sigmar Leito tambe a bai di 3-3.
Raymond Soerka a konektá 1 bataso di kuater skina.
Douane/Cems a bati 6 hit i hasi 4 eror.
Felipe Panneflek a pèrdè i Benjamin Bikker a bati di 2-2.

CDM 13, SVB 3
CDM a bati 15 hit i nan a kometé 1 pifio.
Richard Koeiman tabata e picher ku a gana i Gercival Cathlin a bati di 4-4.
Gercival Cathlin, Bertison Ignatia i Jonathan Statia a konektá 1 bataso di kuater skina kada unu.
SVB tabatin 9 hit i nan a hasi 2 eror.
Dave ‘Tonchi Jr.’ Leonard a pèrdè i Charles ‘Chal’ van Thijs a bati di 2-2. Sepherine ‘Dugel ‘ Adriana tambe a bai di 2-2.