Astros Kampion Liga 50 i Nos Goso kampion 35+ Torneo ABC

WILLEMSTAD - Djadumingu último na Cirilo Chirino Ballpark tabatin gran final di Torneo 50 i 35+ Femenino ABC organisá pa Marlins.
Astros a gana Kenro ku skor di 11-9 den final miéntras ku den Femenino 35+ Nos Goso a bira kampion. Nos a risibí un komunikado di e organisadónan ku ta bisa lo siguiente

“Djadumingu 16 mei 2010 a tuma lugá e final di e Torneo ABC pa Liga 40 i 50 i tambe Damas veterano 35+ entre e islanan Aruba, Bonaire i Kòrsou organisá pa SBC MARLINS i dediká na señornan Dr. Jerry Booi i Hubert "Papi" Bazoer.

Den e wega di Liga 50 pa di 3 i 4 lugá e ekipo di Lions di Kòrsou ta derotá Valero di Aruba ku skor di 14 pa 1.
Lions 14 kareda 15 hit i 1 eror.
Pitcher ganadó pa Lions Ivan Loth. Mihó batenan: Tyronne Minguel 2-2 ku 1 homerun i Edmond Balentina di 2-2.
Valero 1 kareda 3 hit i 2 eror
Pitcher pèrdèdó pa Valero Mario Croes. Mihó bate Amado Rosina di 2-1.

Den un elektrisante wega pa final di Liga 50 ku a bai extra inning, den di 8 inning, Astros di Aruba ta derotá

Kenro di Aruba ku skor di
11 pa 8.
Astros 11 kareda, 10 hit i 2 eror. Pitcher ganadó Tirso Abraham i mihó bate Webb di 3-3 ku 1 homerun kilométriko.
Kenro 8 kareda, 16 hit i 4 eror. Pitcher pèrdèdó Pedro Croes. Orman a bai di 3-3.

Den e wega final di Damas 35+, Nos Goso di Kòrsou ta derotá Nos Por di Kòrsou ku skor di 7 pa 0.
Nos Goso 7 kareda, 13 hit i 0 eror. Pitcher ganadó Karlientje Cleofa i mihó bate Joyceline Arnhem di 2-1.
Nos Por 0 kareda, 6 hit i 1 eror.
Pitcher pèrdèdó Minerva Maduro i mihó bate Mirugia Arias di 1-1.

E wega final di Liga 40 ku mester a bai entre Catpower di Kòrsou i Jaws di Kòrsou no por a sigui pa motibu di
un desperfekto ku a surgi ku

e generator ku mester duna koriente pa e lusnan di tereno.
Probalemente e wega aki lo wòrdu hungá diasabra 22 di Mei den e kampionato di Liga 50 ku ta tuma lugá na Cirilo Chirino Ballpark.

Premiashon Liga 50
Na di 4 lugá a keda Valero di Aruba, di 3 lugá Lions di Kòrsou, Supkampion Kenro di Aruba.
Kampion Astros di Aruba.
Kampion bate: Cecil Bronswinkel di Valero Aruba ku average di 800 (8 hit de 10 turno);
Kampion honronero: Jose "Jopito" Cijntje di Lions di Kòrsou ku 1 homerun; Tabatin varios batiadó ku 1 homerun. A skohe Jopito pa motibo di su average di bateo (4 hit den 5 turno).

Kampion pitcher: Hubert "Manolo" Gomez di Marlins di Kòrsou.Manolo tabatin 2 wega ganá i 0 pèrdi, tambe menos kareda permití den e torneo.
Most valuable player: Tirso Abraham di Astros Aruba.

Premiashon Damas 35+
Supkampion: Nos Por di Kòrsou;
Kampion: Nos Goso di Kòrsou;
Most valuable player: Karlientje Cleofa di Nos Goso.”