WILLEMSTAD - Liga Pabou Junior League a gana dos wega siguí miéntras Liga Pariba Senior League a gana un wega den e promé wikènt di Play-off Little League ku a tuma lugá na Little League Ballpark.
Un bon públiko a presentá pa mira e weganan.
Senior League di Liga Pabou a gana unu i pèrdè otro.
Liga Willemstad a pèrdè tur dos wega di ayera.
Djasabra promé ku e wega number dos tabatin apertura ofishal.
Nos lo tin detayenan di e apertura ofishal.
Djasabra 15 di mei
Pabou Junior 9, Pariba Junior 8
Pabou Junior a dal 6 hit i hasi 4 eror. Shair Lacrus a gana i Sherlon La Roche a bati di 3-2. Sherlon la Roche a konektá un homerun krusial di tres kareda pa e e ekipo di Pabou.
Pariba Junior a bati 9 hit i hasi 3 eror. Randall Rog a resultá e picher pèrdèdó i Gedion Engelhardt a bati di 2-2.
Pariba Senior 5, Pabou
Senior 1
Pariba Senior a bati 10 hit i hunga sin eror. Christopher Pietersz a gana i Reangelo Beaumont a bati di 3-3.
Pabou Senior a bati 3 hit i hasi 2 eror. Dienston Manuela a pèrdè i Raylison Liberia a bati di 2-1.
Djadumingu 16 di mei
Junior Pabou 8, Junior Willemstad 1
Junior Pabou a konektá 7 hit i hasi 1 eror. Junters Dossett
a gana i Claysandy Hariquez a bati di 3-3.
Junior Willemstad tabatin 5 hit i nan a hasi 3 eror. Richendell Tokaay tabata e picher pèrdèdó i Aithel Bazoer a bati di 1-1.
Pabou Senior 3, Willemstad Senior 0
Pabou Senior a konektá 5 hit i hasi 2 eror. Rodney
Herman a gana i Sherman
La Cruz a bati di 3-2.
Willemstad Senior a konektá 1 hit i kometé 2 eror. Juruengelo Thielman a resultá e picher pèrdèdó i Raylison Liberia di 2-1.
Skèdjel di e wikènt aki.
Djasabra 22 di mei
11’or Junior Willemstad - Junior Pariba;
2’or Senior Willemstad - Senior Pariba.
Djadumingu 23 di mei
11’or Junior Pabou - Junior Pariba;
2’or Senior Pabou - Senior Pariba.
APERTURA
Promé ku wega number 2 tabatin apertura ofishal kaminda ku representante di RBTT sr. Dorand a mustra e importansia di sponsering di Little League.
Sr. Hurtado a bisa atrobe ku nan ta apoyá e filosofia di Little League ku ta formashon di hobennan i ta pesei nan lo sigui spònser Little League.
Victor Elhage District Administrator tambe a hiba palabra i pone énfasis tambe riba e formashon i komportashon di tur hende.
Diputado di Deporte sra. Marylin Alcala-Walle a hiba palabra na nòmber di Gobièrnu di Kòrsou i tabatin masha apresio kon Little League ta tene nòmber di Kòrsou na haltu den kam-pionatonan regional i mun-dial logrando bon resultado i demostrando disiplina i kurashi. Diputado Alcala Walle a gradisí tur ku di un manera òf otro ta koperá ku Little League por ta asina eksitoso i alabes formando lidernan pa futuro.
Presidente di Liga Pabou sr. Faay Sille a tuma huramentashon di tur hungadó di Senior League.
Sr. Dorand a lansa promé bala, Diputado di Deporte tabata e batiadó,Urvin Macaay di direktiva di Liga Willemstad tabata kètcher i Dennis Dambruck, presidente di Liga Pariba tabata umpire.
No comments:
Post a Comment