Gamers ta dal Max Power ku skor di 16-9 den Liga Amstel djasabra

WILLEMSTAD - Liga Amstel a sigui djasa-bra último na Suvek Ballpark ku varios wega.
Latinos a dal Chincho duru 13-2 i Gamers a gana Max Power 16-9.
Gamers a drecha nan ekipo konsiderabel i lo bai lucha pa klasifiká.

Gamers 16, Max Power 9
Gamers a dal 15 hit i nan a kometé 2 eror.
Rudney Garmers a bai ku e viktoria i Tyronne Hollander a bati di 2-2.
Tyronne Hollander a konektá 1 homerun.
Max Power tabatin 14 hit i nan a hasi 1 eror. Germaine Josepha a sufri e derota i Robertico Anita a bai di 4-3. Frensely Martina, Omar Valies, Tjark Valies, O. Elisabeth i Eugene Martis a konektá 1 homerun.

Latinos 13, Chincho 2
E ekipo Latinos a bati 10 hit i nan a kometé 1 pifio.
Juan Gutierrez tagata picher ganadó i Emile Isenia a bai di 2-2. Wilkin Lockhart a konektá 1 homerun.
Chincho tabatin 4 hit i nan a hasi 3 eror. Gavanee Virginie tabata picher pèrdèdó.
Nathaniel Ravenstein a bai di 2-2.

Bombers 11, Universitarios 5
Bombers tabatin 12 hit i nan a kometé 2 pifio.
Kenrick Hellement a gana, miéntras Rolin Eustatius i Elfred Sambo a bai di 2-2.
Rolin Eustatius i Reginald Pieters a konektá 1 bataso di kuater skina.
Universitarios a bati 3 hit i nan a hasi 1 eror. Rolando Castro a pèrdè i Yersy Lopez di 1-1.

Suffisant Soldiers 20, The Kings 7
E ekipo Suffisant Soldiers tabatin 12 hit i nan a hunga sin eror.Ganadó tabata Shahairy Ustatia. Remy Fornerino i Shardenay Wall a bai di 2-2.
Remy Fornerino a konektá 1 homerun.
The Kings tabatin 9 hit i nan hasi 4 eror. Wendley Silberie a pèrdè i Judrick Martha a bati di 3-2. W. Paulina a konektá 1 homerun.

Padres a gana Cur. Real Team pa defolt ku skor di 7 - 0. Real Team no tabatin sufisiente hungadó na tereno