Sint Michael Mariners ta sorprendé Dalpega ganando ku skor di 7-6

WILLEMSTAD - E ekipo di Boca Sami, Sint Michael Mariners a sorprendé Dalpega ganando ku skor di 7-6 djadumingu na Suvek Ballpark. Den otro wega e ekipo Destroyers a suta Jaws Afas sin kompashon 14-2. Weganan ta sigui djadumingu awor na Suvek Ballpark.

Sint Michael Mariners 7, Dalpega 6
Sint Michael Mariners a bati 5 hit i nan a kometé 2 pifio.
Richinel Rafael a gana, miéntras Andy Ernestina a bati di 3-1. Archi Kops tambe a bai di 3-1. Gerald Servania a konektá 1 homerun.
Dalpega tabatin 10 hit i nan a hasi 3 eror. Ellerick Rodriguez a pèrdè i Norvaniel Aniseta a bai di 4-3 inkluyendo 1 homerun.
Abigail Vilchez i Ericson Senior tambe a konektá 1 homerun.

Destroyers 14, Afas Jaws 2
E ekipo Destroyers a konektá 22 inkogibel i nan a pifia na 1 okashon.
Ganadó tabata Shurendy de Lima. Mayron Wijman a bati di 4-4. Robert Anastacia, Gilbert Juliet, Faisel Pereira i Abrahams a konektá 1 homerun.
Afas Jaws tabatin 6 hit i nan a hasi 1 eror. Patrick Laken a resultá picher pèrdèdó i Arlyson Rodriguez a bai di 2-2. Shudangelo Williams a konektá 1 homerun.

Quisqueya 18, Uniko 5
Quisqueya tabatin 18 inkogibel i nan a pifia na 1 okashon. Fernando Rosario a bai ku e viktoria, miéntras Carlos Gil a bati di 4-4.
Carlos Gil i Wilkin Lockard a konektá 1 bataso di kuater skina.
Pa Uniko 9 hit i 4 eror.
Giovanni Maduro a sufri e derota i Kenneth Isidora a bai di 1-1.

Baranka 28, Crazy Tigers 3
Baranka a konektá 25 hit i nan a hunga impekabel.
Reginald Pietersz a gana i e mes a bai di 5-5. Mayron Martinus i Senny Petronella a bai di 4-4.
Mayron Martinus a konektá 2 homerun. Andley Simmons, Stanford Landburg i Curby Brunken a konektá 1 homerun.
Crazy Tigers a bati 7 hit i hunga sin eror.
Ivar Martis a pèrdè i Sherton Saturnino a bai di 3-2. Sherton Saturnino a konektá 1 homerun.
Sla hopi pisá pa Crazy Tigers.