Groot Kwartier a gana 5 wega i pèrdè unu den fin di siman den Liga Willemstad

Groot Kwartier Marlins i HBM a gana 5 wega i pèrdè unu den fin di siman den Liga Willemstad ku a tuma lugá na Little League Ballpark i Muizenberg Ballpark.
Awe nos tin resultadonan di Liga Willemstad.

Djabièrnè 27 di mart
Suffisant Korpodeko 9, Abrahamsz Nagico 7(LL)
Suffisant Korpodeko tabatin 8 hit i nan a hasi 4 eror.
Picher ganadó a resultá Ronald Semeleer i Drexler Macaay a bati di 2-2.
Abrahamsz Nagico tabatin 10 hit i nan a pifia na 4 okashon.
Pèrdèdó tabata Angelo Bautisma i Ande Adriana a bati di 4-4.


E wega di Minor League entre Salinja Fort Nassau i Kwartier Marlins a keda posponé pa mal estado di tereno dor di awaseru.

Djasabra 28 di mart
Buena Vista UTS 12, Salinja SVB 7(SL)
Buena Vista UTS a konektá 7 hit i nan a kometé 3 pifio.
Ganadó tabata Raynold Machena i Ulrich Faneyte a bai di 3-2.
Salinja SVB tabatin 7 hit i nan a hasi 4 eror. Shufrandely Valies tabata pèrdèdó i David Wansing a bati di 3-2.
Richly Lourens a bai di 2-2.

Kwartier HBM 17, Suffisant A-1 Monitoring Station 0(JL)
E ekipo Kwartier HBM tabatin 8 hit i nan a kometé 2 eror.
Nichandro Cicilia a bai ku e viktoria, miéntras Jezreel Pereira a bati di 1-1.
Q. Balentien a bati di 3-2.
Suffisant A-1 Monitoring Station tabatin 3 hit i nan a kometé 6 eror.
Aithel Bazoer a sufri e derota. A. Benoit, A. Bazoer i M. Barbolina a bai di 2-1.

Kwartier Marlins 9, Salinja The Trader 1(LL)
Kwartier Marlins a bati 8 hit i nan a hunga impekabel.
Fabian Susana a gana i e mes a bai di 4-2.
Salinja The Trader a bati 3 hit i nan a hasi 4 eror. Jonathan Da Silva a pèrdè i Zjamelle ten Meer a bai di 3-2.

Suffisant CHB 11, Kwartier Marlins 5(ML)
Suffisant CHB a bati 7 hit i hasi 3 eror. Danijoni Newton a gana i Rudy Semeleer a bai di 1-1. Bryan Belfor tambe a bai di 1-1.
Kwartier Marlins tabatin 1 hit i nan a asi 3 eror.
Dean Lourensz tabata esun ku a pèrdè i Liandry Kirindongo a bai di 2-1.

Abrahamsz Nagico 12, Buena Vista UTS 1(ML)
Abrahamsz Nagico a bati 6 inkogibel i nan a pifia na 2 okashon. Ganadó tabata Nicolaas Victoria, miéntras Jaci Palm i Zaino Henriquez a bai di 1-1. Jaci Palm a konektá 1 bataso di kwater skina.
Pa Buena Vista UTS 2 hit i 4 eror. Pèrdèdó tabata Zinedine van der Veen i Joshua Bito a bati di 1-1.

Otro wega ku mester a tuma lugá den Junior League
entre Abrahamsz Interpress i Salinja SVB no a kontinuá.
E wega aki ta wòrdu di re-schedule.

Djadumingu 29 di mart
Buena Vista UTS 7, Suffisant A-1 Monitoring Station 2(JL)
Buena Vista UTS a konektá 6 imparabel i hasi 1 eror.
Kevin Adamson a bai ku e viktoria i Derrick Alexander a resultá mihó na bate ku 2-2.
Suffisant A-1 Monitoring Station no a liga hit i nan a hasi 3 eror. Aron Benoit a sufri e derota.

Kwartier HBM 6, Abrahamsz Kortijn Ijs 3(SL)
E ekipo Kwartier HBM a bati 8 hit i nan a kometé 1 pifio.
Ganadó a resultá Jefferson Jimenez Rijo, miéntras A. Petronella a bati di 3-2.
R. Walter a bai di 1-1.
Abrahamsz Kortijn Ijs a bati 5 hit i hasi 3 eror.
Hayberth Fullick a pèrdè i Hershalon Juliana tabata e mihó na bate.

Kwartier Marlins 17, Buena Vista UTS 1(ML)
Kwartier Marlins a bati 3 hit i nan no a hasi eror.
Aldrih Kuster a gana, miéntras O. Martis, G. Pinto i K. Susana a bai di 2-1.
Buena Vista UTS tabatin 5 hit i nan a kometé 5 pifio.
Farlyson Sweeney tabata esun ku a pèrdè, miéntras C. Florentina i M. Alexander a bai di 2-2.

Abrahamsz Nagico 3, Buena Vista UTS 2(LL)
Abrahamsz Nagico no tabatin hit ni eror. Angelo Bautisma a gana.
Buena Vista UTS tabatin 5 hit i nan a kometé 4 eror.
Rugen Daal tabata e picher pèrdèdó i Ishuar Martina a bati di 3-2.

Kwartier Marlins 10, Suffisant Korpodeko 0(LL)
Kwartier Marlins tabatin 4 hit i nan a hunga impekabel.
Sander Boeldak a bai ku e viktoria i e mes a bai di 3-3.
Sander Boeldak a konektá 2 homerun.
Suffisant Korpodeko a bati 3 hit i nan a hasi 2 eror.
Drexler Macaay tabata esun ku a pèrdè.
Drexler Macaay mes i R. Semeleer a bai di 2-1.