MCB ta derotá Isla 20-16 den Swift Amstel Tournament

WILLEMSTAD - Swift Amstel Challenge Tournament a sigui djabièrnè anochi na Suvek Ballpark ku 3 wega.
Den e promé wega Polis a dal SBAB duru ku skor di 19-1.
Despues Kooyman a gana di MSL 9-2. Den e último partido MCB (Banko Maduro) a dal Isla 20-16.


RESULTADONAN
Polis 19, SBAB 1
Polis a dal 15 hit i a hasi 1 eror. Arelis Roosberg a gana i Yahaira Antersijn a bati di 2-2.
SBAB no a konektá hit i nan a kometé 8 eror.

Kooyman 9, MSL 2
Kooyman a dal 10 hit i hasi 3 eror. Valerie Stins a gana i Tatiana Betorina a bati di 3-3. Rigxaira Poulina a bati di 2-2. Rigxaira Poulina a bati 2 homerun. Den gran forma Chaya!!
Tatiana Betorina a bolbe bati un homerun.
MSL a dal 6 hit i hasi 3 eror. Kook a pèrdè i e mes a bati di 2-2.

MCB 20, Isla 16
MCB a konektá 20 hit i hunga sin kometé eror. Djuric Pietersz a gana i Carlos Martha a bati di 4-3. Winsley Ansano a bati un homerun.
Isla a bati 19 hit i hasi 8 eror. Sidney Lourens a pèrdè i Brian Esclodina a bati di 3-3. Roland Adamus a dal un homerun. Erwin ‘Junny’ Marsden a dal dos homerun.

Ku e derota aki e ekipo Isla tin dos derota sin viktoria i chènsnan ta bira chiki pa klasifiká