Hotel San Marco ta gana Emiliano 11-10 den Liga Amistad

WILLEMSTAD - Liga Amistad a sigui djadumingu último ku 4 wega na Ricardo Elhage Ballpark.
Veteranos Hotel San Marco mester a lucha pa gana Emiliano ku skor di 11-10.
Brievengat Boys hungando ku 8 pelotero a gana Molester pa nòkout 16-2. Weganan ta sigui mayan na Ricardo Elhage Ballpark.

San Marco 11, Emiliano 10
San Marco a dal 10 hit i hunga sin kometé eror. Gilbert Henrietta a gana i Ivar Martis a bati di 5-3. Mairon Martinus tabatin un homerun.
Emiliano a konektá 14 hit i kometé 2 eror. Franklin Hagen a pèrdè i Carlos Gil a bati di 3-2. Wilkin Lockhart a dal un homerun.

Brievengat Boys 16, Molester 2
Brievengat Boys a dal 16 hit i a hasi 1 eror. Edwin ‘Edichi’ Martina a gana i e mes a bati di 3-3.
Quentin Martina, Shendy Cras i Eldred Juliana a konektá un homerun.
Molester a bati 7 hit i hunga sin kometé eror.
Jender Passial a pèrdè i Shurton Ijziek a bati di 3-2.
Shurton Ijziek i Inovich Christiaan a dal homerun.

Magic 17, GGD 8
Magic di nos amigu Gustavo Tovar a dal e supkampion di aña pasa GGD duru ku skor di 17-8. Magic a dal 19 hit i hasi 3 eror. Lionel ‘Eksperensia’ Privania a gana i Emile Haswell Jr a bati di 4-4. Jeffrey Thompson, Emilie Haswell Jr. i Randall Igancio a bati un homerun.
GGD a dal 10 hit i hasi 6 eror. Anthony Servania a pèrdè. Cedric Curiel, Wilhelm Lindenberg i Norvaniel Aniceta a bati di 3-2. Willy Lindenberg i Aniceta a dal un homerun.

Ken BV 12, Botika Mampuritu 10
Ken BV a dal 12 hit i hasi 5 eror. Glenn Kleinmoedig a gana i Shannon Kleinmoedig a bati di 4-3. Mairon Willems a dal un homerun. Botika Mampuritu a bati 10 hit i hasi 2 eror. Oscar Brunken a pèrdè i Raikel Ignacio a bati di 3-3.