Nos Goso ta gana Treasure 5-2 i ta empatá e seri di play-off final

WILLEMSTAD - Den e di 2 partido di e seri final di The Champions League, Nos Goso Girobank ta anotá 5 kareda den e parti final di wega pa gana di Treasure New Era 5-2.
E bataso klave den e wega aki tabata di Girela Isabella ku a konektá hit di dos kareda, ku a kondusí Nos Goso na e viktoria.

NUMERITONAN
Nos Goso 5 kareda, 6 hit, 3 eror. Picher ganadó, Carlientje Cleopa. Na bate Jeritza Pieternella di 2-1.
Treasure New Era 2 kareda, 6 hit, 2 eror. Picher Pèrdèdó Sevilla Martina ku a haña relevo di Maurina Esprit den di 6 entrada.
Ku e resultado aki e seri final mihó di 5 partido ta empatá na 1, ya ku den e promé wega di dja-bièrnè,Treasure New Era a sa di gana di Nos Goso 2-1.
Ken lo bira kampion e aña aki? E kandente seri final aki lo kontinuá den e fin di siman venidero.

DJABIERNE
Treasure 2, Nos Goso 1
Ku skor di 2-1Treasure New Era ta gana di Nos Goso den e prome wega di playoff final.

Den un tremendo wega Sevilla Martina a limitá Nos Goso na 4 hit pa guia su ekipo na un viktoria di 2-1 riba Nos Goso.

E kareda di viktoria a wòrdu anotá den di 8 ining na momentu ku Maurina Esprit anotá riba fly di sakrifisio.

Treasure New Era 2 kareda, 7 hit, 1 eror.
Sevilla Martina a gana. Na bate Lisette Hooi di 2-1.
Nos Goso 1 kareda, 4 hit, 3 eror.
Carlientje Cleopa a sufri e derota. Asila Finies a bati di 2-1.