Despues ku Treasure a gana di Nos Goso 7-0 pa pika dilanti den e seri 2-1, Nos Goso den forma sensashonal ta empatá e seri final na 2, ganando di Treasure New Era 9-8 den èkstra ining.
Dilanti un públiko inmenso,
ku Treasure New Era ganá 4-2, basenan bashi, faltando un out pa bira kampion, Nos Goso den forma sensashonal ta rèli pa anotá 4 kareda den di 7 entrada pa bin gana di Treasure 9-8 den di 8 ining, pa asina ei empatá e seri final na 2. Tabata un wega kargá ku tenshon i emoshon. Heroë den e partido aki indudablemente tabata Leonise "La leona’ Avastia ku tabatin un bataso importante konektá pa su ekipo i ku tambe tabata e picher ku a gana e partido.
Numeritonan: Nos Goso 9 kareda, 11 hit, 2 eror. Leonise Avastia a gana. Na bate Natasha Marselia i Asila Finies, ambos di 3-2.
Treasure New Era 8 kareda, 14 hit, 2 eror. Maurine Esprit a pèrdè. Na bate Sharine Hanse di 3-3.
E partido desisivo di e seri aki lo tuma lugá djabièrnè benidero 17 di sèptèmber na Frank Curiel Ballpark.
No comments:
Post a Comment