WILLEMSTAD - For di aña 2002 e ekipo di sòftbòl, The Champions a tuma inisiativa pa organisá un torneo di sòfbòl pa dama riba 35 aña entre e islanan ruman ku ta hiba di nòmber di "Dutch Caribbean Ladies Softball Tournament".
Kada aña e torneo aki ta tuma lugá na un isla dife-rente i organisá pa un representante di e isla ei.
E aña aki, di 7 pa 10 di òktober lo bai tin e di 9 torneo konsekutivo i a toka turno pa e torneo aki tuma lugá na Kòrsou, organisá pa The Champions.
E timnan ku lo partisipá e aña aki ta di Aruba: Angels Softball Tim, di St. Maarten: Soualiga Sisters i di Kòrsou: The Champions i Treasure New Era.
Tur e weganan lo tuma lugá na Frank Curiel Ballpark.
Durante di torneo aki lo bai tin tambe algun wega di sòftbòl komersial maskulino. Keda pendiente pa e skema di e weganan aki.
PR di Dutch Caribbean Tournament na Kòrsou lo ta e dinámiko Wendley ‘Chape’ Bernardus.
No comments:
Post a Comment