Jandoret Raiders ta dal Cicoza i Bou di Palu ta derotá Forsa

WILLEMSTAD - Jandoret Raiders Botika de Savaan ku tremendo picheo di Raylison Gijsbertha i bateo di Dave Kirindongo ta dal Cicoza Building Depot 7-2 den e serie di play-off entre number 1 i number 2 di Liga Un i Tur.
Den e serie di number 3 kontra 4 e ekipo Bou di Palu ta sali viktorioso ganando Forsa fásil ku skor di 20-10.
Un bon públiko tabata presente na Stadion Post 6 pa mira e weganan. Solamente un eror den e dos weganan di play-off. Weganan di dja-dumingu a keda kanselá pa motibu di awaseru i mal estado di tereno. Keda pen-diente pa kontinuashon di play-off Liga Un i Tur.

RESULTADONAN
Jandoret Raiders Botika de Savaan 7, Cicoza Building Depot 2
Jandoret a dal 6 hit i hunga sin eror. Raylison Gijsbertha a gana i Dave Kirindongo a bati di 1-1. Dave Kiridnongo a bati un homerun. Cicoza a konektá 5 hit i hunga sin kometé eror. Edwin Martina a pèrdè i Dave Janga a bati di 1-1.
Johnny Balentina tabatin un bataso di kuater skina pa e úniko dos karedanan di Cicoza.

Bou di Palu 20, Forsa 10
Bou di Palu a dal 19 hit i hasi 1 eror. Joel Balentina a gana i Irving Sambo a bati di 2-2. Rydell Isabella, Vernon Isabella, Jo-Andy Balentina i Irving Sambo un homerun.
Forsa a konektá 11 hit i hunga sin eror. Sidney Lourens a pèrdè i Rigobert Cijntje a bati di 3-3. Luigi Yanes a bati dos homerun. Michel Angelo Celestina a dal un homerun. Curtley ‘Cunie’ Schoop a bati un homerun.