Padres ta suta Bombers sin kompashon 25-4 den Liga Amstel

WILLEMSTAD - Padres AZNY a dal Bombers durísimo djasa-bra siman pasá den Liga Amstel.
E ekipo di Doei i Donata a suta Bombers 25-4 ku un ofensiva di 20 hit. E ekiponan di kustumber Padres, Skarlo i Bombers ya a klasifiká pa e Round Robbin. 3 ekipo mas ta pendiente pa drenta e Round Robbin kaminda e promé 6 ekiponan lo
enfrentá otro.

Padres 25, Bombers 4
Padres tabatin 20 inkogibel i nan a pifia na 2 okashon.
Donovan Seferina a gana i Remy Janga a bai di 2-2.
Merieldo Trinidad, Yurell de Caster i Anwar Franken a bati 1 homerun.
Bombers a bati 6 hit i nan a hasi 4 eror.
Roderick Sambo tabata
picher pèrdèdó i Jair Quant a bai di 2-2 inkluyendo un homerun den kousa pèrdí.

Skarlo 14, Omel 3
E ekipo Skarlo a bati 13 hit i nan a hasi 2 eror.
Eldred Bakker a bai ku e viktoria. Robert Anastasia i Robertico Ramazan a bati di 2-2. Glendomar Davelaar, Eugene Antonia i Rignald Hooi, tur a konektá 1 homerun.
Omel tabatin 5 hit i nan a hasi 2 eror. Gilbert Henrietta a sufri e derota. Sudangelo Williams i Carlos Thode a bati di 2-1. Carlos Thode a konektá un homerun.