Braves kontra Calabas den gran final Kopa ABC&S

Braves a sorprendé Happy Brothers ganando 7-6 den un tremendo wega di semi-final djaluna dia 30 di aprel den oranan lat di anochi na tereno Kudawecha.
Ku e viktoria aki Braves ta pasa pa final pa enfrentá Calabas ‘Dream Team’ den e gran final djamars dia 1 di mei Dia di Obrero 2’or pm na Kudawecha.
Pa 12’or lo tin e wega bálido pa di 3 i 4 lugá entre Baranka i Happy Brothers.

LIDERNAN
Kampion Bate: Jair Josepha (Swift) 6 hit den 7 turno pa un averahe di .856. Jair tabatin dos base por bola i un flai di sakrifisio.

Lider Homerun: Wilfred Reinita (Baranka) ku dos homerun i averahe di .545 (6-11).
Edmar Cornelia (Baranka) tambe tabatin dos homerun ku averahe di .500 (8-4). Joshua Ramada (Calabas) tambe a dal dos homerun pero ku averahe di 10-4.
Wilfred ‘Willy’ Reinita a bira lider di homerun debi ku e tin e averahe mas haltu.

Kampion picher: Kampion picher a sali Johannes ‘Pacheco’ Rafaela di La Sonrisa ku 2 gana i 0 perdi.


RESULTADONAN
Kuart-final
Calabas 9, Swift 1
Baranka 7, La Sonrisa 5
Happy Brothers 9, Buena Vista Power 8
Noord Salinja Braves 7, Teremoto 4

Sem-final
Calabas 17, Baranka 7
Noord Salinja 7, Happy Brothers 6


Noord Salinja Braves di Boneiru den gran final ABC&S kontra Calabas 'Dream Team'