Royal Power Botica Noord cu un tremendo torneo di softball modified pitch dianan 24,25,26,27 di mei

For di fin di aña 2006 Royal Power a ricibi yamada di un equipo di Merca mustrando cu nan tin interes pa biaha pa Aruba pa duna un show di softball y participa den un torneo di nivel. Nan ta considera nan mes como e “Globle Trotters” den softball. Nan a tende di un equipo cu yama Royal Power te na merca como un equipo skerpi y peligroso cu ta cosechando exito tur caminda cu nan bay entre otro a titula campeon na Hulanda na 2005 invicto, a titula campeon na Corsow na 2005 y 2006 y na Aruba no a perde un torneo den 2006 ni di fastpitch y tampoko modified pitch pues algo cu a hala nan atencion y e informacionnan aki a yega serka nan via un contacto di nan na Hulanda.


Berdad ta cu e equipo di Boston USA aki ta un equipo cu ta consisti di algun ex proficionalnan di baseball y nan ta biaha bay tur parti mundu hungando y plantando respet . Den 2006 nan a gana torneonan na Puerto Rico, Sto Domingo, Orlando, y esun di mas grandi ta un torneo na New York unda 24 di e mihor equiponan ta participa unda nan a titula campeon tambe. E equipo di merca aki no por a kere cu na un isla asina chikito tin un team cu ta molestia den pantaya international y pa regla cuenta nan mes a yama pidi nos pa organisa un torneo pasobra nan mester bin Aruba pa waak kiko Royal Power tin aden. Tambe nan a exigi pa e mihor equiponan di Aruba ta den e torneo aki. Bueno Royal Power manera conosi nunca ta core pa bataya a dicidi pa no laga e oportunidad aki pasa ya cu e equipo di Merca ta keda un atraccion y lo organiza un torneo international fin di mei. Teamnan na Corsow y Bonaire a wordo invita y lo tin te cu diaranzon awor pa nan confirma. Diaranzon awor pa 730pm lo tin un reunion pa tur teamnan cu a yama mustra interes den Platinum Club na Sta Cruz. Por yama Poy 7391313 of Endy 7307000 pa mas informacion. Tsunami tambe ta kla pa e cierre di e torneo aki . Aruba lo bay disfruta di un torneo grandi cu un equipo monster di Merca y Orkaan Royal Power di Aruba.