Suliviendra Hooi miho konosí komo Suli ta picha den e ekipo GiroBank di Girobank Sogo divishon Senior. Suliviendra sigur ta e picher mas dominante di Sòftbòl Little League último añanan.
Softballcuracao.com lo laga abo lesadó sera konosí ku Suliviendra Hooi.
SULI
Suliviendra Faustia Hooi a nase na Kòrsou, dia 18 di novèmber 1990 i ta biba na Groot Santa Martha Kavel 20.
Suliviendra ta bishita VSBO Sint Jozef i ta den klas 4. E talentoso picher ta yu di e konosido coach di e team di Lelienberg Aishel Hooi. Suli su mama yama Judairy Hooi i tambe ta hopi aktivo den coaching di Sòftbòl Femenina.
Suriviela Hooi, ruman muhe chiki di Suliviendra tambe ta hunga sòftbòl. Suriviela ta hung aden e ekipo Girobank divishon Little League di e ekipo Lelienberg dirigi pa Judairy i Aishel Hooi.
Aishel a hunga futbòl te ku Junior den ekiponan di Soto. Judairy a hunga den e ekipo di Sòftbòl Blue Angels ku no ta eksistí mas.
Antes Suli tabata landa i praktiká atletsimo pero ela disidí di dediká kompletamente na e sòftbòl.
Suli: “Antes mi tabata landa i kore atletiek pero despues mi no a gusta mas i mi a kompletu den sòftbòl”
Suliviendra Hooi tirando den Mundial di Sòftbòl Senior League ougùstùs 2006
KOMIENSO
“Di mes for di dia mi tabata chiki, papi (Suliviendra ta referi na su tata Aishel Hooi ku tambe tabata sinta durante e entrevista, Red. Softballcuracao.com) tabatin tim e di mes nos tabata bai wak sòftbòl. Di mes bo ta lanta den e kos i bo tambe ta gusté. E ora ei ku 6 aña mi a kuminsá ku sòftbòl, ke men kuminsá fangu i picha mas o ménos. Ku 9 aña mi a kuminsá hunga. Mi a hunga ku 9 i 10 aña den Rio Magdalena Hubenil. D
Tabatin un Pul B pa muchanan mas chikitu i mi a hunga den e pul ei. E tempu ei tabata mas o menos 2000 i 2001. Na 2002 Sòftbòl Little League a start i mi a kuminsa den Little League ku e ekipo Fayad’s Bakery ku 11 aña. E aña ei mes nos a bai ku selekshon Puerto Rico.”, Sulviendra ta konta.
TREINING
Suliviendra: “Normalmente mi ta trein djaluna, djamars, djarason i djaweps.
Ora tin un wega duru, ami ku mi tata ta trein mas duru. Tin biaha ta trein wikènt na kas tambe. Of ora un treining òf un wega bai malu ta trein apart.”
Aishel tata i coach prinsipal di Suli a bisa ku su velosidat a subi apesar ku e no a trein dje intensivo e aña aki manera ta kustumber. Aishel a bisa ku masha poko Suliviendra ta pèrdè wega. Segun Aishel Suliviendra ta mas o menos 3 wega pèrdí den su karera den Little League Liga Soraida Juliana. Aishel a bisa mas despues den e entrevista, ku debí ku Suli no ta haña hopi resistensia tin ora di batiadonan su nivel no ta subi manera mester ta. E ta pasa hopi batiado fasil ku rekta i e ora ei no ta nesesario usa otro lansamentunan.
SELEKSHON
Sulviendra a bai selekshon tur e tres biaha for di dia Sòftbòl Little League a start.
“Mi a bai Puerto Rico na aña 2002 i na 2004 i mi a hunga ku selekshon di Little League na Korsou 2003.
Na 2002 ku Little League nos a sali sup-kampion na Puerto Rico, 2003 sup-kampion atrobe ku selekshon Little League na Korsou i na 2004 nos no a klasifiká pa final na Puerto Rico atrobe.
(Aña 2005 i 2006 tambe Suliviendra a bai ku selekshon i na 2006 nan a bira kampion na Mayaguez pa despues representá Korsou i Latino America den Mundial)
E diferensianan entre nos i e otro ekiponan no ta masha grandi.
MIHO KONTRIKANTE
“Na Korsou e aña aki ta Wishe “Wishelene’ van Heiningen di Buena Vista. Aña 2004 pasa tabata Tracey Constancia. Tur aña tin un batiadó ku ta wak e bala i dale bon kontrami.
Pa loke ta ekipo mi ta bisa ku e ekipo di Buena Vista ta esun ku mi tin lucha mas tantu. Nan tin bon tim semper.
FUTURO
“Aworaki mi no ta pensa masha den bai picha afó i studia ets. Aworaki mi ta hasi mi best na skol picha i hunga sòftbòl bon pa mi keda picha bon i hunga den selekshon. Mi no ta masha interesa di studia afo haña scholarship ets. Mi ke studia aki nan mes. Por ta e idea por kambia despues pero pa aworaki, mi ke hunga Sòftbòl na Korsou i hasi studia bon na skol. Min sa ku lo mi bai gusta afo, leu for di mi famia.”
(Esei tabata opinion di Sulviendra na aña 2005 dia nos a tene e entrevista)
PREMIONAN
“Mi a sali e picher di mas velosidat na Puerto Rico. Na aña 2002 mi a sali miho primera base na Puerto Rico. Lo maksimo ku mi a logra ta e picher di mas velosidat na Puerto Rico. Mi a tira varios no hit no run. Pero loke tabata great tabata e supkampion na Puerto Rico. Loke tambe ta great pa mi tambe ta dia mi a hunga ku 12 aña hungando kontra muchanan di 18 pa 19 aña den Hubenil den na aña 2002, despues ku mi a kaba di picha den Little League i ku un aña mas pa bai den Little League.
E aña aki tin un chens pa mi hunga den Weganan di Reino den e muchanan mas grandi di Senior League. Tin chens tambe pa bai Merka pa mas o menos 10 dia pa train e picheo un tiki mas, asina mi a tende”
PARTI FUERTE
Suliviendra a bisa nos ku su parti fuerte ta su rekta. “Mi tin hopi konfiansa den mi rekta ora batiadónan no ta mishi ku ne mi ta krese mas ahinda. Si nan ta mishi ku ne mi ta kambionan i kurva pa gaña e batiadónan. Mi ta gusta trein tambe esei tambe ta un di mi partinan fuerte.
OTRO KOSNAN
Wak televishon i hunga Game Boy, i kosnan ei mi gusta e kosnan ei. Mi kolo preferí ta blou. Mi gusta kome, yambo, kadushi, oras brua,karko, kabes ku igra, papaya stoba. Hopi di e kos stobanan ei ku mama ta kushina.
BON EKSPERENSIA
Bo ta pasa bo oranan bon den deporte, esei ta mi bon eksperensianan. Tur ora bo tin kos di hasi, hopi dushi. Aña pasa ku mi a tira ku mas velosidat tambe na Puerto Rico pami tambe tabata un kos grandi.
Suliendra Hooi, hopi hoben den e ekipo di Giro Bank.
MAL EKSPERENSIA
“E biahe di aña 2004 na Puerto Rico kaminda ku un bon tim, nos a sali último luga number tres den tres tim den Junior League. E kos ei tabata hopi duru. Dia nos tabatin tur kos pa bira kampion na Kòrsou i pa kolmo mi ketcher Arnelis a leshona i despues Aruba a sali kampion riba nos”, Suliviendra Hooi ta sigi konta.
MENSAHE
E hóbennan mester aserka un tim di sòftbòl pa asina nan praktiká deporte. No mester ta Sòftbòl por ta otro deporte tambe, pero hasi deporte. Mucha muhénan yòn tim timnan manera Santa Rosa , Souax, Buena Vista, Seroe Fortuna, Lelienberg i Rio Magdalena aserka e timnan aki i laga kosnan negativo para, mucha hòmbernan tambe.
Keda sin tin nada di hasi ta hopi laf.
Esnan den deporte kaba, sigui hasi nan deporte, train fuerte. Bon ora bo lesa den korant ku bo a tira bon, hunga bon i destaká.
No comments:
Post a Comment