Torneo SBAB 2007 supereksitoso

Torneo SBAB 2007 a resultá supereksitoso.
E torneo ta e torneo ku mas ambiente, mas partisipashon di hungadó, mas ekipo. En todo kaso un torneo pa lanta e interes di praktiká e deporte di Sòftbòl, espesialmente entre adultonan.
Softball.curacao.com tin resultadonan final i sifra di e torneo.

BAB TA GRADISI
Den e fin di siman tras di lomba, SBAB Social Softball Tournament 2007 a yega su final.
Manera ta konosí e torneo a konta ku un partisipashon total di 20 tim femenino i 28
tim maskulino.
E torneo su meta ta pa organisashonnan por sera konosí ku otro i alabes divertí den un forma deportivo i amikal.
Nos ta sigur di a logra nos meta i ku después di e torneo aki e laso interno den kada organisashon ku a partisipá a krese i wòrdu fortifiká.
Después di kasi un luna largu djadumingu 6 di mei nos a yega na e siguiente resultadonan/premiashonnan:

Ekipo Maskulino SBAB kampion. Nan tabata realmente tremendo tantu den organisashon komo riba tereno.


MALE TEAM
Kampion: SBAB;
Supkampion: CDM (DOK)
Ekipo Mas Disipliná: DELOITTE / BNA;
Ekipo Mas Animá: MCB;
Ekipo Mas Kolegial: SELIKOR.

MALE INDIVIDUAL
Mihó Bate: SENDI REINA (BUILDING DEPOT);
Mihó Pitcher: PATRICK ELISA (CITCO);
Homerun: ERWIN BITO (TAXI BLOOPERS);
MVP: SCHOOP (SBAB);
Homerun King (Homerun Derby): RYAN OGENIA (BRANDWEER).

FEMALE TEAM
Kampion Female: UNA;
Supkampion Female: CITCO;
Ekipo Mas Disipliná: GIRO;
Ekipo Mas Animá: MCB;
Ekipo Mas Kolegial:
CITCO
FEMALE INDIVIDUAL
Mihó Bate: LEONISE AVASIA (MCB);
Mihó Pitcher: NATALY ELISABETH (VIP);
Homerun: NATALY LOURENS (CITCO);
MVP: MILADY PEREIRA (UNA);
Homerun Queen (Homerun Derby): VANESSA WINKLAAR (BAN BRIA).

Un felisitashon pa tur e tim nan i personanan ariba menshoná.
Naturalmente pa organisá un torneo di e magnitut aki no tabata posibel sin ayudo i koperashon di diferente persona òf instansia.
Pa medio di esaki nos ke mustra nos gratitut yamando danki na e siguiente personanan i organisashonnan ku a hasi e torneo aki posibel. Boso aporte positivo tabata esensial pa e torneo.

Un danki ta bai na promé lugá na tur e tim nan partisipante. Sin boso e torneo aki lo no tabata posibel.
Un danki spesial ta bai na nos spònsernan kual ta: SBAB, AMSTEL, COCA COLA, SEDREKO, BREEZES I MCB.

Un danki spesial na tur e siguiente kolaboradónan:
Trahadónan di SBAB, Skorernan, Umpirenan Boluntario, Orlando
Nicolina i su tim, Fotografo Leslie 562-2772, Sergio Leon di Suvek Ballpark, Tetti Chirino di Chirino Ballpark. Kolaboradónan di tereno i Pim Fangman.
Tur medio di prensa, espesialmente Jeffrey Martina, Chati Constancia, Alexander Makaya, Gurtney Jansen i Nino Dunker.

Sin boso sostén e torneo aki no tabata posibel.
Un danki di kurason na kada un di boso!!






Resultadonan Semi-final di final

UNA 4, Ban Bria 2 (Semi-final Femenina)
Picher ganadó Idelmira Renilia i mihó na bate Jetsely Helmyr di 2-2. Picher pèrdèdó Marinella Isenia miéntras ku esun ku a destaká na bate Tineke Knap 1-1.

Dok 4, CITCO 1 (Semi-final Maskulino)
E sensashon di e Torneo SBAB 2007 Dok ta rèli pa 4 kareda den inning number 4 pa sorprendé e fuerte ekipo CITCO ku skor di 4-1. Dok tabatin 9 hit i nan a hasi 1 eror. CITCO a dal 6 hit i hunga sin eror. Gilbert Pieter a gana i mihó na bate tabata Kenneth Casper di 3-3. Patrick Elisa a pèrdè i Anthony Leonora a bati di 2-2.
CITCO 11, Selikor 1 (Semi-final Femenina)
CITCO a dal Selikor. Sharine Richardson a gana i Bernadita Geerman a bati di 3-3. Isolda Feliciano tambe di 2-2 ku un homerun. Maristella Bernabela a pèrdè pa Selikor. Mystella Martis i Rosella Constancia a bati di 2-1.

SBAB 10, DOK 9
Den un gran final maskulino ku Rumannan Ohochi destakando formal SBAB ta gana Dok 10-9.
Sherwin Schoop a nota 2 kareda i Sherman Schoop 3 kareda..
E titilo a bai pa e organisadónan danki na bateo oportuno di Sherman Schoop ku a bati doblete i homerun. Su batasonan tabata oportuno i a sòru pa 4 kareda. Picher ganadó tabata Garrick Stomp. Bertyson Ignacia a konektá homerun pa e pèrdèdónan. Jo-Andy (Enchi) Balentina a bati di di 4-4.
Gilbert ‘Gibi’ Pieter a pèrdè.

UNA 11, CITCO 7
Milady Pereira e konektá doblete den inning number 4 pa kibra un empate na 7. Ventaha ku a hiba UNA na un triunfo di 11-7 riba e trmenedo ekipo di CITCO. Picher ganadó tabata Milady Pereira ku a tira den relevo. Mihó bate pa UNA tabata Juretty Poulo ku 3-3. Bernardita Geerman i Jessica Girigorie a bati di 3-2 komo mihó bate. Sharin Richardson tabata picher pèrdèdó.