Komentario di Sòftbòlista ‘Boneriano Frans’ bibá na Hulanda

Ata e komentario aki
boneriano frans Says:

March 27th, 2008 at 1:40 am e

moru bon dia ma tende ku e team di amsterdam awo awo a bai overall e motor pero no ta interesa nos di steen paso tur ku bin ta hanja sydney majan lucas riba montikulo dus no tin kwenti nada ken ku bin ta hanja.Anto almere tambe tin mag di bin ku tur su 25 hungadonan ku nan si nan ke ke nan buta tur 25 35 riba veld e ta meskos paso jun ta un anto nos ta topa dia 30 di april na amsterdam tene kwante steen 4 ever.sorryyyyyyyyyyyyy…………..

Boneriano Frans (mei mei na pretu) na Spuiplein yüli último na apertura di Wega di Reino

Torneo Building Depot ta sigui djasabra i djadumingu na Cirilo Chirino Ballpark

WILLEMSTAD - Torneo Building Depot ‘Djis Pens’é’ a kontinuá djamars i djaweps den Cirilo Chirino Ballpark.
Weganan a sigui djabierne i lo kontinuá djasabra i djadumingu na Trai Seru. Nos tin weganan programá di wikent i tambe e resultado di weganan di djamars.

Djabierne na Trai Seru:
18.45 CITCO - SVB (Femenino);
20.00 Kooyman - SBAB (Maskulino);
21.30 Kooyman - Giro (Femenino);

Fatum 4, Bestuurscollege 3 (Femenino)
E ekipo Fatum a bati 8 hit I nan a hasi 1 eror.
Ella Magdalena tabata e picher ganadó, miéntras Nel Lovert a bati di 2-2.
Jeamine Phelipa i Gailen Martie tambe a bai di 2-2.
Bestuurscollege tabatin 5 hit. Nan a hunga impekabel.
Anuska Cadeau a pèrdè.
Mitushi Martes, Melissa Areas, Saby de Bies i Sulivienne Vlijtig, tur a bai di 2-1.

Edwin ‘Edichi’ Martina di Baranka pa Swift

WILLEMSTAD - Di bon fuente Softballcuracao.com a risibí e informashon ku Edwin ‘Edichi’ Martina picher di Baranka a pasa pa forma parti di Swift.
Edichi ta tremendo picher ku bon rekta i kambio. Swift a la karga den 2008 pa kompetí den Liga van Engelen.
Swift a la karga den 2008

Final Torneo Komersial Pim Fangman ta terminá e wikènt aki

WILLEMSTAD - Djadumingu 30 di mart e torneo Komersial Pim Fangman 2008 organisá pa Terremaster ta yega na su fin.
Ekiponan di República Dominicana i Boneiru ya ta na Kòrsou pa e gran klousura di e torneo aki. Weganan ta tuma lugá na Suvek Ballpark.

SKEDJEL
Djasabra 29 di mart
10.00 - Refineria Isla - Boneiru Blue Jays (Tereno A)
10.00 Post - UDEPHESADO
(Tereno B)
12.00 UTS - Curacao Plaza Hotel/Amstel (Tereno A)
E ganadó lo bira Ganadó H
14.00 Post - Bonaire Blue Jays (Tereno B)
14.00 Refineria Isla -
UDEPHESADO (Tereno A)
16.00 Selikor - Dok (Tereno A) Ganadó I.

Hopi interes na Kòrsou pa Kampionato di Karibe di Little League na Boneiru

WILLEMSTAD - Na Kòrsou tin hopi interes di fanátikonan di Little League pa bai mira weganan di Little League ku lo tuma lugá na Boneiru di 19 pa 27 di yüli.
Ta promé biaha ku Boneiru ta organisá un kampionato riba nivel di Latino America den e kaso aki Karibe di Beisbòl Little League.
Fanátikonan mester buk tempran i sigurá nan estadia na Boneiru.

UTS (Buena Vista) ta blankia USG Inbuilt di Suffisant ku skor di 6-0 den Little League Liga Willemstad

WILLEMSTAD - Liga Willemstad a sigui ku su kampionato djasabra 22 di mart 2008 na Little League Ballpark na Muizenberg. E wikènt aki den Beisbòl Little League no tabatin wega riba djabièrnè i dja-dumingu.

Liga Pabou tambe tabatin wega riba djasabra último, miéntras Liga Pariba no tabatin wega en konekshon ku dianan di fiesta.
Den Little League UTS Buena Vista ta blankia USG Inbuilt di Suffisant ku skor di 6-0.

Djasabra 22 di mart
MINOR
USG Inbuilt 13, UTS 12
E ekipo USG Inbuilt tabatin 9 hit i nan a kometé 5 eror.
Shervyen Newton tabata e picher ganadó i Jurdin Martie a bai di 2-2.
UTS a bati 7 hit i nan a hasi 7 eror.
Ishuar Martina tabata e pèrdèdó i Herman v/der Geld a bati di 3-2.

Polis ta gana SVB, Breezes ta gana SBAB i MCB ta dal Fatum den Torneo Djis Pens’e

WILLEMSTAD - Polis a sali fuerte ganando den Femenina i Maskulino. Breezes a sorprendé SBAB den Sòftbòl Maskulino, MCB a derotá Fatum i Brandweer a zona Bestuurcollege 8-2 den Torneo Dijs Pens’é organisá pa Building Depot.
13 Wega a tuma lugá riba djasabra i djadumingu.

Djasabra 22 di mart
Polis 7, SVB 0 (Femenina)
Polis a bati 10 hit i nan no a hasi eror.
Picher ganadó tabata Rosemarlyn Nocento.
Jagaira Antersijn a bai di 2-2.
SVB a bati 3 hit i nan a kometé 1 eror.
Bernadette Margaritha a pèrdè i Rianda Girigorie a bai di 1-1.

Polis 10, SVB 7 (Maskulino)
Polis tabatin 13 inkogibel i nan a pifia na dos okashon.
Brian De Windt a bai ku e viktoria.
Jeffrey Martina a bai di 3-3, inkluyendo un homerun.
(Den gran forma !!)
SVB a bati 12 inkogibel i nan a kometé 2 pifio.
Albertico Isenia t'esun ku a sufri e derota.
Rodney Riley, Manfred Gomez, Albertico Isenia
i Giovanni Hansen, tur a bati di 3-2.

Angelo ‘Chulobravo’ Clementina ta manda felisitá Baranka

AMSTERDAM - Angelo Clementina eks hungadó di Baranka a manda un felisitashon pa Baranka via di Softballcuracao.com.
E komentario di Angelo a drenta Bierne Santu dia 21 di mart pa 12.50.

Angelo Chulobravo Clementina Says:
March 21st, 2008 at 12:50 pm
Baranka pabien , mi sa ku mino ta hasi falta paso mi ta mira ku kosnan a keda kana den e mesun forma ku mi a bai laga . Keda mantene e ritmo i kalidat di softball ku semper e ekipo a karga. Di e forma aki mi ke demostra ku aunke mi ta lew , ku toch mi ta keda un baranka di kurason . KORSOW TA BARANKA I BARANKA TA KORSOW


Angelo Clementina moviendo ketu bai na Hulanda den Sòftbòl Slowpitch i Fastpitch

Torneo Kopa Pim Fangman internashonal ta sigui 29 di mart, ku ekiponan di Santo Domingo i Boneiru

WILLEMSTAD - Djasabra 29 di mart e Torneo Kopa Komersial Kopa Rotativo Pim Fangman ta sigui probablemente na Suvek. E ekipo Union Deportiva de Paises Hermanos de Santo Domingo i Los Carholos de Hamarah lo tei direktamente for di República Dominicana.
Bonaire Blue Jays lo representá Boneiru den e último siman di Torneo Pim Fangman.

Manera ta konosí ekiponan UTS/One Net, Hotel van der Valk Plaza, Selikor i CDM Stars (Dok) a klasifiká pa topa e ekiponan internashonal e wikènt di 29 i 30 di mart.

Hungadó di Siman 'Prakash Mode' tabata Sedney de Windt di Hotel Plaz/Amstel ku a bati di 6-5;

Pitcher di Siman 'De Ron Machine Shop' tabata Rodney Windster di Plaza Hotel/ Amstel ku a picha 2 wega i gana tur dos;

Ekipo di Siman 'Polar' tabata UTS One-Net ku a gana 2 wega, skor 25 kareda i bati 2

homerun;

Fanatikada di Siman 'Coca Cola' tabata Fanatikada di Klinika Capriles (pa di dos siman siguí).

Ganadónan por pasa wikènt di 29/30 di mart na tereno di Suvek pa reklamá nan premionan.

RESULTADONAN

Soto GiroBank ta gana Buena Vista Fundashon Sedreko den Minor League ku skor di 4-1 ku no hitter di Taranalis Andrea

WILLEMSTAD - Soto GiroBank divishon Minor ku no hitter di Taranalis Andrea ta gana Buena Vista Fundashon Sedreko ku skor di 4-1.
Den wega di divishon Senior Fundashon Sedreko ku bon bateo i homerun di Rijaira Martina ta gana GiroBank ku skor di 10-3.
Fin di siman tabatin varios wega na Sabana Ballpark i Ricardo Elhage Ballpark. E wikènt aki no tin wega i Liga Soraida Juliana ta kontinuá djabièrnè 29 di mart na Buena Vista Ballpark i Sabana Ballpark.

Baranka a sera un siman di selebrashon ayera na Hofi Reina

WILLEMSTAD - Baranka a selebra nan título Liga van Engelen en grande.
Djadumingu tabatin klousura di e selebrashonnan na Hofi Reina na Seru Pretu bij Jean Luis. Basta hungadó tabata presente i La Prensa Slow-pitch a risibí un invitashon pa pasa un ratu. Djabièrnè anochi tambe tabatin selebrashon pisá na Caracasbaai.


Baranka selebrando djadumingu 16 di mart
Baranka ta preparando fuerte kaba pa ABC 2008 ku lo tuma lugá na Kòrsou den luna di aprel.
Ta for di 2003 Baranka a logra un título ABC.
Direktiva di Baranka a informá nos ku nan a risibí felisitashon for di Hulanda di personanan ku ta sigui desaroyonan na Kòrsou via www.softballcuracao.com.

Buena Vista Power kandidato fuerte pa drenta e liga nobo na Suvek

WILLEMSTAD - Informashon ku Softballcuracao.com tin ta indiká ku Buena Vista Power ta kla pa drenta e liga nobo ku pronto lo start na Suvek i hunga riba djasabra.
E liga nobo ku te ainda tin e nòmber ‘Liga Dilanti Seru’ si lo permití ekiponan hunga ku 5 hungadó di Dòbel A òf mas.

Despues ku Baranka a titulá kampion Buena Vista Power a informá ku mester hisa e kantidat di hungadó di Dòbel A na 5 pa nan por sigui kompetí.

LIGA VAN ENGELEN
Liga van Engelen sigur lo no laga un ekipo takiyero manera Buena Vista Power bai fásil. Nos ta kere ku despues di publikashon di La Prensa lo tin lòbimentu pisá pa hisa e kantidat di hungadó di Dòbel A na sinku pa asina mantené e ekipo Power den Liga van Engelen.

Chal Sint Jacoba a hiba palabra na final di Liga van Engelen i bisa ku pa amplia e hungadonan di Dobel A na 5 pa ekipo

Reunion importante di Torneo SBAB djaweps 20 di mart

WILLEMSTAD - Djaweps 20 di mart tin un reunion importante di e torneo SBAB.
Durante e reunion aki lo pasa riba e reglanan. Riba e dia aki timnan lo risibí e skèdjel di e torneo.
Ta pidi pa tur ekipo presentá ku un lista di hungadónan definitivo. Ta pidi pa bini ku un lista riba papel tambe (hardcopy) pa por kuminsá kontrolá e listanan.

INSKRIPSHON
E organisadónan ta urgi e ekiponan pa paga e suma di inskripshon djaweps awor.
Varios tim no a manda e asina yamá ‘Chippie Lijst’ ainda.
Torneo SBAB lo bira grandioso e aña aki atrobe ku partisipashon di mas ku 50 ekipo. Keda pendiente pa mas informashon.

Liga Nobo na Suvek ya a risibí konfirmashon di 8 ekipo

WILLEMSTAD - Informashon ku Softballcuracao.com tin ta indiká ku e liga nobo na Suvek (te ainda e nòmber ta: “ Liga Dilanti Seru” a risibí konfirmashon di mas ku 8 ekipo.
E liga lo hunga riba djasabra na Suvek Ballpark.
E liga no ta mará na Liga van Engelen pero ta trata di un liga apart ku ta riba su mes.
Nos a risibi informashon ku Pim Fangman i Django Manuel lo ta e dirigentenan prinsipal di e liga.
Parse ku Liga 60 (Un liga nobo nobo di 60 plusser; Great !!) tambe lo hunga pareu ku e liga aki.

Paparazi di Softballcuracao.com a kapta dirigentenan di Liga Dilanti Seru durante deliberashon djadumingu 9 di mart na Suvek

Torneo Building Depot ta start djasabra 22 di mart na Cirilo Chirino Ballpark

WILLEMSTAD - Djasabra 22 di mart e torneo Komersial ‘Djis Pens’é’ organisá pa Building Depot ta start na Cirilo Chirino Ballpark.
17 ekipo maskulino i 11 ekipo femenina komersial lo partisipá na e torneo ku lo terminá e wikènt di 4,5 i 6 di aprel.
Djaweps dia 13 di mart na Cirilo Chirino Ballpark tabatin un reunion kombiná ku un konferensia di Prensa.

Panel di Building Depot djaweps 13 di mart na Cirilo Chirino Ballpark

REGLANAN BASIKO
Un regla básiko ta ku tur ekipo por aliniá 5 hungadó aktivo i 4 no aktivo riba tereno durante wega.
E di 10 hungadó (posibel asigná òf designá) tambe mester ta no aktivo. En todo kaso 5 aktivo so por ta riba line up. Hungadó aktivo ta nifiká hungadó ku tabata riba lista di kualke liga di sòftbòl òf kampionato di Beisbòl.
Keda pendiente pa mas informashon.

Premionan di Siman di Torneo Kopa Pim Fangman

WILLEMSTAD - Torneo Kopa Pim Fangman tur siman ta regala premio na hungado, fanatiko i ekiponan ku destaka. Wikent di 8 i 9 di mart e sigiente hungado i ekipo a destaká.

PREMIONAN DI SIMAN
Hungadó di Siman
di spònser pa " Prakash Mode"
Randy Kirindongo di UTS One-net (Ela bati di 4-4 ku 1 homerun)

Picher di Siman "De Ron Machine Shop"
Elston Pieter di Building Depot (Ela picha 3 wega i gana tur 3)

Ekipo di Siman " Polar "
Building Depot (Nan a hunga 3 wega i gana tur 3)

Fanatikada di Siman
"Coca Cola"
Fanatikada di Klinika Capriles.
Ganadónan por pasa e wikènt aki na tereno di UTS pa reklamá nan premionan.

UTS One Net ta gana Refineria Isla ku skor di 7-4 den Torneo Komersial Pim Fangman

WILLEMSTAD - E Dream Team di UTS den un bon partido a logra gana e ekipo di Refineria Isla ku skor di 7-4 djadumingu den kontinuashon di Torneo Kopa Rotativo Pim Fangman na tereno di UTS na Regentesselaan.
Tremendo ambiente tin aya serka nos amigunan di Terremaster organisadó di e torneo. Weganan ta kontinuá e wikènt aki riba djasabra i djadumingu.

Djadumingu 9 di mart
UTS One-Net 7, Refineria Isla 4
E ekipo UTS One-Net tabatin 11 hit i nan a hasi 1 eror.
Ganadó tabata Lesley Martina, miéntras Sevard Seferina a bati di 3-3.
Senny Petronella a konektá
un homerun.
Refineria Isla tabatin 6 hit i nan a hasi 3 eror.
Neldrick Lourens tabata e pèrdèdó.
Juni Marsden a bati di 1-1 i Remy Cicilia tambe a bai di 1-1.

Trai Seru APNA ta gana CPA Brievengat 7-5 den kategoria Minor League di Liga Pariba

WILLEMSTAD - Manera ya ta konosi Softballcuracao.com ta ku Little League tambe, awe nos tin resultado di Liga Pariba di Little League. Den un bon partido Trai Seru APNA a gana Brievengat CPA ku skor di 7-5. Awe nos ta kargá ku resultadonan di Liga Pariba.

Trai Seru APNA 7, Brievengat CPA 5
E ekipo Trai Seru a bati 3 inkogibel i nan a pifia na 2 okashon.
Dradon Emelina a bai ku e viktoria i Swendley Lint di 2-1.
Brievengat tabatin 6 hit i nan a hasi 4 eror. Mairon Francois a sufri e derota i Mitchelson Daantje a bai di 3-2.

MINOR
Djabièrnè 7 di mart
Montaña Abou GiroBank 12, Koraal Specht Repro Curcao NV 0
E ekipo Montaña Abou tabatin 6 hit i nan no a kometé eror. Raysheandall Michel tabata e picher ganadó i Kavan Maria a bati di 2-2.
Koraal Specht tabatin 2 hit i nan a hasi 5 eror. Kendimar Martina tabata e pèrdèdó i Sherton Apostel a bati di 1-1.

Baranka selebrando título kampion Liga van Engelen ketu bai

WILLEMSTAD - Baranka Napa Auto Parts a selebrá formal ayera for di
mainta te den lat di marduga di djamars 11 di mart. Softballcuracao.com a pasa saka un pòtrèt den oranan di djaluna anochi.
Nos tin e numeritonan di e wega final.

Baranka 18, Buena Vista Power 12
Baranka a dal 14 hit i hasi 2 eror. Kenrick ‘Refuse to Loose’ Hellement a bira e
picher ganadó den relevo di Willem Felicia.
Luigi Virginia a bati di 3-2 ku un homerun i bira MVP di e serie final. Sepherine ‘Dugel’ Adriana i Marlon Paz tambe tabatin un homerun.
Buena Vista a konektá 12 hit i hasi 4 eror. Rignald Hooi a resultá e picher pèrdèdó. Ela haña relevo di Norman de Roon. Emerick Agatha a bati di 2-2 ku dos homerun.
Merieldo Trinidad i Mayron Wijman a konektá un homerun.

Baranka selebrando kampion Liga van Engelen

Baranka Napa Auto Parts, kampion Liga van Engelen 2007

WILLEMSTAD - Baranka Napa Auto Parts djadumingu 9 di mart a gana di Buena Vista Power pa bira kampion Liga van Engelen 2007. E wega a terminá ku skor di 18-12 despues di 7 inning di wega.
Kenny Hellement ku a drenta di relevo a tuma solamente 2 kareda pa bira e picher ganadó. Despues di wega tabatin entrega di premio. Rignald ‘Naai’ Hooi a resultá e picher pèrdèdó ku relevo di Norman de Roon.

Baranka den tereno despues ku a kaba di bira kampion

Premionan di ekipo i individual:
Kampion: Baranka Napa Auto Parts
Sup – Kampion: Buena Vista Power
Di Tres luga: Swift
Di Kuater luga: Dalpega
Kampion temporada regular: Swift
Ekipo mas disiplina:Swift

Baranka tumando premio komo kampion Liga van Engelen 2007

Kampion bate: Julien Ignacio di Swift i Gregory Reina di Baranka (36-56) = .643
Lider di homerun: Jair Josepha (Swift) 18
Kampion Picher: Jose Obispa (Dalpega) 9 gana i 0 perdí
MVP Kampionato regular: Jair Josepha Swift
MVP play-off final: Luigi Virginia.

Pa mas detaye i reportahe di potret klik riba potret i despues klik riba Final Liga van Engelen 2007

Djadumingu 9 di mart gran final entre Buena Vista Power i Baranka

WILLEMSTAD Djadumingu awor 9 di mart e wega finalísimo entre Buena Vista Power i Baranka lo tuma lugá.
E wega ta programá pa start 2’or di mèrdia, via un komunikado nos a risibi e informashon ku ta 1ór di merdia e wega ta.
Manera ta konosí Baranka a gana e promé wega ku skor di 15-12 despues ku nan tabata pèrdí 12-2 (inkreíbel).
Di otro banda Buena Vista Power tambe tabata pèrdí ku skor grandi pero nan a bòns bèk i gana wega number dos 16-13. Baranka tabatin base yen komo ekipo di kas pero Naai ta pèrta brasa e poncha e último batiadó di Baranka.
Ta spera un públiko grandísimo djadumingu awor pa mira e wega finalísimo aki entre e dos grandinan aki.

Buena Vista Power i fanatikonan despues di a bira kampion den torneo Baranka..

Weganan di Torneo Kopa Rotativo Pim Fangman ta sigui e wikènt aki ku Building Depot den akshon

WILLEMSTAD - Weganan di e Torneo Kopa Rotativo Pim Fangman ta sigui e wikènt aki na Stadion di UTS na Regentesselaan.
Awe nos tin resultado di e weganan di djadumingu siman pasá.
E siman aki e ekipo kam-pion di aña pasá Building Depot lo mira akshon.

RESULTADONAN
Djadumingu 2 di mart
Capriles 6, Pizza Hut 3
E ekipo Capriles a bati 7 hit i nan a hasi 4 eror.
Givanny Maduro a resultá e picher ganadó, miéntras M. Overman a bai di 3-2.
Pizza Hut a bati 6 hit i nan a kometé 6 eror. Walter Samuel tabata e pèrdèdó i
Silvio Cruz a bai di 3-3. Alberto Gibbes a konektá un homerun.

Buena Vista Fundashon Sedreko ta gana Santa Rosa 8-3 den divishon Senior di Liga Soraida Juliana

WILLEMSTAD - Liga Soraida Juliana a kontinuá fin di siman pasá ku 18 wega na Sabana Ballpark i Ricardo Elhage Ballpark.
Buena Vista Fundashon Sedreko invikto den Senior League a gana Santa Rosa Bala ku skor di 8-3. E partido tabata interesante i empatá na tres kareda den parti final di e wega.

Santa Rosa Bala a lucha bon, pero den parti final mester a baha kabes pa Buena Vista Fundashon Sedreko.
Kanga Digicel a gana un i pèrdè e otro wega den wikènt. Nan a gana Salinja ACU 9-8 i pèrdè kontra e ekipo number unu den Little League, Souax Persio Uniformes.
Weganan ta sigui e wikènt aki na Sabana Ballpark i Ricardo Elhage Ballpark.

RESULTADONAN
MINOR
Kanga/Digicel a gana di Saliña/ACU 9-8. Ganadó: Sharetty Montero. Na bate: Jonella Felomina 1-1. Pèrdèdó Tifara Bakker. Na bate: Richeila Richardson 1-1.

Buena Vista/Fundashon Sedreko a gana Boca San Michiel/Dare 5-1. Ganadó: Gabriela Helburg. Na bate: Shantely Antonia 2-2. Pèrdèdó: Josentely Zimmerman. Na bate: Sulivien Zimmerman 1-1.

Selikor ta gana dos wega den fin di siman den Torneo Kopa Pim Fangman

WILLEMSTAD -Torneo Kopa Rotativo Pim Fangman a start djasabra último na tereno di UTS na Regentesselaan.
Bon públiko a bai serka nos amigunan di Terremaster pa disfrutá di e partidonan.
Selikor a destaká ku dos viktoria siman pasá. Selikor a presentá brabu ku hungadónan manera Jair Josepha, Raymond Zoerka i Michelangelo Cijntje.

Awe nos tin resultadonan di djasabra i e permionan di siman

RESULTADONAN

Djasabra 1 di mart
UTS One-Net 16, BAB/BNA 11
E ekipo UTS a bati 13 hit i nan a hasi 5 eror.
Leslie Martina a resultá e picher ganadó i Shurendy Lourens a bati di 4-4.
Shurendy Lourens a konektá 3 homerun i Senny Petronilia a konektá unu.
E ekipo BAB/BNA tabatin 11 hit i nan a hasi 4 eror.
Luigi Prince tabata e pèrdèdó i Andley Simmons a bai di 2-2.
Roderick Eustatia a konektá un homerun.

Re-schedules Games Sint Maarten Softball Association

PHILIPSBURG - Re-scheduled games:

1. Reschedule Survivors VS Falcons Wednesday 12-mar-08 7pm with Lions VS Hawks Thursday 13-mar-08 7pm

2. Reschedule Mets VS Hawks Saturday 15-mar-08 5:45pm to a later date, put 50+ game at that time.

3. New Schedule for Thursday 20th and Friday 21st of March:
· Thursday 20th March at:
o 7pm Jets VS Angels
o 9pm Superstars VS Gradz
· Friday 21st March at:
o 7pm Lions VS Zodiacs
o Freebirds VS 78Inc

Trai Seru APNA ta gana Van Engelen 9-2 i Girobank MontañaAbou ta derotá 11-2 den kategoria Minor

WILLEMSTAD - Liga Pariba a kontinuá siman pasá ku varios wega.
Trai Seru APNA ku bon picheo di Nathan Sulvaran i bateo di Swintley Lint ta gana van Engelen 9-2. Trai Seru no a hasi eror den e wega aki.
Den otro wega Montaña Abou Girobank ta gana ACUMontanja Ariba 11-2.
E weganan ariba menshoná ta di kategoria Minor.

MINOR
Djadumingu 2 di mart
Trai Seru 9, Van Engelen 2
Trai Seru a bati 7 hit sin hasi eror.
Nathan Sulvaran a resultá e ganadó i Swintley Lint a bati di 2-2.
Van Engelen a bati 1 hit i nan a hasi 2 eror.
Admarison Sambo a pèrdè i Carlos Marimol a bai di 1-1.

Sint Jozef VSBO kampion Sòftbòl Femenina i Maskulino Eskolar

WILLEMSTAD - Dilanti un públiko grandísimo VSBO Sint Jozef a sali kampion di Softbol Femenina i Maskulino Eskolar 2008.
Sint Jozef Femenina a gana MIL ku skor di 12-2 mientras den maskulino Sint Jozef a gana Peter Stuyvesant College 15-8.
Masha hopi fanatiko a akudi pa mira e dos tremendo partidonan aki.
Despues di wega tabatin entrega di premio dor di diputado di Deporte sra. marylin Alcala Walle. Tremendo trabout ambe di Etty Monk ku ta esun ku a trek henter e programa di Softbol Eskolar.
Den kurso di siman nos lo tinmas detaye.

Ekipo femenina di Sint Jozef a gana MIL 12-2 den final.

'
Maskulino ekipo karga ku superstart di Beisbol Little League a bira kampion ganando 15-8 di Peter Stuyvesant College

Reunion di Torneo SBAB djarason, 5 di mart

WILLEMSTAD - Djarason, 5 di mart lo tin e promé reunion di e torneo SBAB ku lo tuma lugá den ofisina di Inspekshon di Belasting na Regentesse-laan.
Manera ta konosí ta trata di e torneo mas grandi di tur tempu den Sòftbòl ku partisipashon di mas ku 50 ekipo. E reunion ta planiá pa kuminsá 7’or di anochi en punto.

E torneo grandi di SBAB lo start pronto

Final Liga van Engelen 2007 djadumingu 9 di mart na Suvek Ballpark

Djadumingu awor 9 di mart porfin e wega finalísimo entre Buena Vista Power i Baranka lo tuma lugá.
E wega ta programá pa start 2’or di mèrdia.
Manera ta konosí Baranka a gana e promé wega ku skor di 15-12 despues ku nan tabata pèrdí 12-2 (inkreíbel).
Di otro banda Buena Vista Power tambe tabata pèrdí ku skor grandi pero nan a bòns bèk i gana wega number dos 16-13. Baranka tabatin base yen komo ekipo di kas pero Naai ta pèrta brasa e poncha e último batiadó di Baranka.
Ta spera un públiko grandísimo djadumingu awor pa mira e wega finalísimo aki entre e dos grandinan aki.

Baranka kampion Liga van Engelen 2006

Bombers ku Torneo Internashonal den yüli

WILLEMSTAD - Dianan 2, 4, 5 i6, di yüli Bombers o tin un torneo internashon ku partisipashon di ekiponan di Korsou, Aruba, Boneiru, República Dominicana i Estados Unidos.

Weganan ta programá pa hunga riba Cirilo Chirino Ballpark, anke tin un problema ta surgiendo entre Bombers i dirigentenan di Cirilo Chirino Ballpark.

Parse ku dirigentenan di Catpower/Cirilo Chirino Ballpark no a keda kontentu ku Bombers a hala kita pa e liga nobo ku lo hunga na Suvek. E situashon ta kayente i keda pendiente.

Ekipo Bombers pendiente pa otro torneo internashonal

Myron Wijman un di e gran batiadónan di Sòftbòl i Beisbòl

WILLEMSTAD - Softballcuracao.com a risibí un komentario di Myron Wijman, tremendo batiadó di Sòftbòl i Beisbòl ku a Sali kampion bate di Torneo Kopa Joy Alberto ku un averahe di 10-11.

Myron : Esaki ta e di 2 miho bate ku mi ta gana,1 ta na ABC na boneiru 2006 ku 11-10 e otro ta den kopa Joy e anja aki ku 11-10.Mi ta pediente pa e final di Liga Van Engelen di anja pasa ku ta kaba e anja aki dia 9 maart, aki tambe mi ta batiendo di 10-9,dus jega wega pa mira kon mi ta bai kibra record.mi a pèrdè esun di Fastpich 2007-2008 pa un ke otro motibu (17-10 pa avg 524).Otro punto tambe ku mi no tbt sa ta ku mita uniko yu di Korsou ku tin un record di ta kampion di Korsow- Antia-Dutch Caribbean-Hulanda-plus Europa cup.Frankamente min tbt sa,mi a bin tende di Sr.Nicolina ku tin tur datos.Mi a keda masha kontentu ku esei,door kumi no ta un gai ku ta hunga pa mi mes pero si pa mi team.

Myron Wijman tumando kopa kampion bate di Torneo Kopa Joy Alberto

Liga Trai Seru lo hunga ku 4 òf 5 ekipo, pero lo keda

WILLEMSTAD - Di bon fuente Softballcuracao.com tin entendí ku Liga Trai Seru lo keda eksistí normal.
E fuente a bisa nos ku e liga lo keda drei ku 4 pa 5 ekipo.

“Si tin ku drei ku 3 ekipo nos liga lo keda eksistí ku premionan lukrativo tantu individual komo di ekipo”, asina un fuente ku no tabata ke pa meshoná su nòmber a splika Softballcuracao.com.


Catpower lo keda drei ku algun ekipo den Liga Trai Seru

Final Torneo Komersial Kopa Joy Alberto 2008 djasabra na Trai Seru

WILLEMSTAD - Djasabra 1 di mart 2008 tin e tremendo final di Torneo Joy Alberto 2008 sekshon Komersial na Cirilo Chirino Ballpark.
Pa 7’or di anochi Building Depot ta enfrentá MCB i despues pa 9’or Kooyman ta topa Fatum.
Durante dia lo tin algun wega amistoso i algun ekpo ku a reta otro.

SKEDJEL
11.00 Marlins - Flamboyan (Liga 50 )
13.00 MCB - CITCO (Femenina)
15.00 Dalpega - Baranka
17.00 Buena Vista Power - Red Devils
19.00 Building Depot - MCB
21.00 Kooyman - Fatum

Di 12’or pa 3’or pm tin un grandioso BBQ di Baranka.
Animashon ta na enkargo di DJ Satelite Sound Power.
Tur fanátiko di Sowpitch i deporte en general ta invitá.

Fatum den gran final kontra Kooyman djasabra anochi 9'or