Torneo Building Depot ta sigui djasabra i djadumingu na Cirilo Chirino Ballpark

WILLEMSTAD - Torneo Building Depot ‘Djis Pens’é’ a kontinuá djamars i djaweps den Cirilo Chirino Ballpark.
Weganan a sigui djabierne i lo kontinuá djasabra i djadumingu na Trai Seru. Nos tin weganan programá di wikent i tambe e resultado di weganan di djamars.

Djabierne na Trai Seru:
18.45 CITCO - SVB (Femenino);
20.00 Kooyman - SBAB (Maskulino);
21.30 Kooyman - Giro (Femenino);

Fatum 4, Bestuurscollege 3 (Femenino)
E ekipo Fatum a bati 8 hit I nan a hasi 1 eror.
Ella Magdalena tabata e picher ganadó, miéntras Nel Lovert a bati di 2-2.
Jeamine Phelipa i Gailen Martie tambe a bai di 2-2.
Bestuurscollege tabatin 5 hit. Nan a hunga impekabel.
Anuska Cadeau a pèrdè.
Mitushi Martes, Melissa Areas, Saby de Bies i Sulivienne Vlijtig, tur a bai di 2-1.

Giro 4, Douane/Cems 3 (Femenino)
Giro tabatin 6 hit i nan a kometé 2 eror.
Ganadó tabata M. Streden.
R. Raphaela a bati di 2-2.
E ekipo Douane/Cems tabatin 4 hit. Nan a pifia na 5 okashon.
Jeanette Poulina tabata esun ku a pèrdè.
Josanne Rosario a bati di 1-1.

Omni 19, Selikor 8 (Maskulino)
Omni a bati 20 hit i nan no a kometé eror.
Eldred Juliana a gana i Richenel Juliana a bati di 4-3, inkluyendo un homerun.
Selikor tabatin 8 inkogibel i nan a pifia na 3 okashon.
R. Rosa tabata e pèrdèdó i Marcelo Pisas a bai di 3-1.
Marcelo Pisas a konektá un homerun.