Hopi interes na Kòrsou pa Kampionato di Karibe di Little League na Boneiru

WILLEMSTAD - Na Kòrsou tin hopi interes di fanátikonan di Little League pa bai mira weganan di Little League ku lo tuma lugá na Boneiru di 19 pa 27 di yüli.
Ta promé biaha ku Boneiru ta organisá un kampionato riba nivel di Latino America den e kaso aki Karibe di Beisbòl Little League.
Fanátikonan mester buk tempran i sigurá nan estadia na Boneiru.

FECHANAN LATINO
E otro fechanan pa loke ta partisipashon di Kòrsou den Kampionatonan Latino Americano pa loke ta Little League ta:
Junior League lo ta na Yauco (Puerto Rico) di 4 pa 13 di yüli, Senior League ta di 11 pa 20 di yüli na Virgin Island.
Big League lo tuma lugá na Maracaibo (Venezuela) di 20 pa 29 di yüni.

FECHANAN LATINO SOFTBOL
E aña aki selekshonnan di Curacao Little League Sòftbòl lo ta na Puerto Rico.
Selekshonnan Senior i Big League lo ta na Cajey (Puerto Rico) di 8 pa 13 di yüli, miéntras selekshonnan di Little i Junior League lo ta na Maunabo Puerto Rico di 16 pa 21 di yüli. Den pasado nos selekshonnan a titulá kampion na tres okashon.