Selikor ta gana dos wega den fin di siman den Torneo Kopa Pim Fangman

WILLEMSTAD -Torneo Kopa Rotativo Pim Fangman a start djasabra último na tereno di UTS na Regentesselaan.
Bon públiko a bai serka nos amigunan di Terremaster pa disfrutá di e partidonan.
Selikor a destaká ku dos viktoria siman pasá. Selikor a presentá brabu ku hungadónan manera Jair Josepha, Raymond Zoerka i Michelangelo Cijntje.

Awe nos tin resultadonan di djasabra i e permionan di siman

RESULTADONAN

Djasabra 1 di mart
UTS One-Net 16, BAB/BNA 11
E ekipo UTS a bati 13 hit i nan a hasi 5 eror.
Leslie Martina a resultá e picher ganadó i Shurendy Lourens a bati di 4-4.
Shurendy Lourens a konektá 3 homerun i Senny Petronilia a konektá unu.
E ekipo BAB/BNA tabatin 11 hit i nan a hasi 4 eror.
Luigi Prince tabata e pèrdèdó i Andley Simmons a bai di 2-2.
Roderick Eustatia a konektá un homerun.

Selikor 13, Banco di Caribe 10.
Selikor tabatin 12 hit i nan a kometé 2 eror.
Russel Hellement a gana, miéntras Hellery Plantijn a bai di 3-3.
Ando Cijntje, Raymond Soerka i Harley Grijaloe a konektá un homerun.
Banco di Caribe a bati 11 hit i nan a hasi 1 eror.
Randolph Adoptie a pèrdè i e mes a bai di 4-3.
Bryan Kook a konektá 2 homerun i Rene Winklaar unu.

Plaza Hotel/Amstel 11, RBTT 5
Pkaza Hotel/Amstel a bati 12 inkogibel i nan a kometé 3 pifio.
Ivar Martis a bai ku e viktoria i Argenis Daal a bati di 4-3.
Shundrick Martha a bati di 3-2.
Agenis Daal, Erickson Senior, Sidney de Wind i Anthony de Wind a konektá un homerun.
RBTT tabatin 7 hit i nan a

hasi 4 eror.
v/d Dijs tabata e pèrdèdó i Hurly Maduro tabata e mihó na bate.
Hurly Maduro a konektá un homerun.

CDM 12, Servicio Panamericano 0
E ekipo CDM a bati 12 inkogibel i nan a pifia na un okashon.
R. Koeiman a resultá e picher ganadó i Wensley Ansano a bai di 2-2.
Wensley Ansano a konektá 2 homerun i Luisgardo Alvares unu.
Servicio Panamericano tabatin 2 hit i nan a hasi 1 eror.
E. Richardson tabata e pèrdèdó i R. Helmeyer a bai di 2-1.

PREMIONAN DI SIMAN

HUNGADO DI SIMAN
Hungadó di Siman di spònser pa Chipi Chipi General Store
Wensley Ansano di CDM (Dok) ku a bati di 5-5 den fin di siman ku 4 homerun.

PICHER DI SIMAN
Picher di Siman di spònser pa De Ron Machine Shop.
R. Koeiman di CDM a gana dos wega.

EKIPO DI SIMAN
Ekipo di Siman ta di spònser pa Polar. Selikor a gana 2 wega i anotá 30 kareda i bati 8 homerun.

Fanatikada di Siman di spònser pa Coca Cola.
Fanatikada di RBTT

Ganadónan por pasa e wikènt aki na tereno di UTS pa reklamá nan premio.