Baranka ta gana Jaws 9-4 den Liga van Engelen

Baranka a gana Jaws ku skor di 9-4 den Liga van Engelen.
Wim Felicia i Edmar Cornelia tabata klave den e wega aki.
Wim Felicia tabata picher ganadó miéntras Edmar ‘Boy Motor’ Cornelia a bati 2 homerun.

RESULTADONAN
Djadumingu 29 di yüni
Baranka 9, Jaws 4
E ekipo Baranka a bati 11 hit i nan a kometé 3 eror.
Picher ganadó a resultá Willem Felicia i Edmar Cornelia a bai di 3-2.
Edmar Cornelia a konektá 2 homerun i Ericson Martina a konektá unu.
Jaws tabatin 10 hit i nan a hasi 1 eror.
Patrick Laken a pèrdè i Bryan Kook a bai di 4-3.

Navegantes 9, Quisqueya 2
Navegantes tabatin 9 hit i nan a kometé 2 eror.
Axel Gomez tabata esun ku a gana i Aldrin Paesh a bai di 3-2 inkluyendo un homerun.. Gerald Riley tambe a bati di 3-2.
Quisqueya tabatin 8 hit i nan a hasi 4 eror.
Rolando Castro tabata e picher pèrdèdó i Ramon Cabrera i Norman Sloop a bai di 3-2.

Crazy Tigers 19, Uniko 3
Crazy Tigers tabatin 16 hit i nan no a kometé eror.
Frank Rafael a bai ku e viktoria.
Stanley Palm i Michael Silvania a bati di 4-4 i Robert Mademilia a bati di 2-2.
Uniko a bati 9 hit i hasi 8 eror. Curtly Adriana tabata e pèrdèdó i Lindsey Laker a bati di 2-2.

Swift 24, Lions 4
Swift a bati 17 inkogibel i nan a pifia na 1 okashon.
Frensel Martinus a gana i Dave Kirindongo a bati di 4-4. Dave Kirindongo a konektá 3 homerun i Jair Josepha a konektá 2.
Lions tabatin 7 hit i nan a hasi 3 eror.
Isaac Francees tabata e pèrdèdó.
Charlton Daal a bai di 3-3.