Kòrsou a gana Puerto Rico ku skor minimo, 1-0 den e gran final, djasabra. 26 di yüli den oranan di atardi
E tremendo picher Entwin ‘Tinti’ Reigina tabata hermétiko durante 6 inning pa guia e ekipo di Kòrsou na e viktoria i e titulo. Entwin Reigina a tira 14 ponche den 6 inning di trabou.
Korsou ta selebra ku banderin despues di a bira kampion
E selekshon di Kòrsou a nota e úniko kareda den di 4 inning, riba hit di Suenley Paulina pa left anotando Edmond Americaan for di segunda base.
E picher Entwin Regina a saka e último tres outnan pa medio di ponche.
Despues ku e último out a kai tabatin un selebrashon total riba tereno i den tribuna.
E fanátikonan di Kòrsou a animá nan ekipo durante henter e wega. Masha hopi fanátiko a bini Boneiru for di Kòrsou pa biba ku e momentunan grandi di e di 8 kampionato di Beisbòl Little League di Karibe.
Ta promé biaha ku Boneiru ta organisá un kampionato di Little League i mester bisa ku e kampionato tabata un éksito rotundo. Tremendo organisashon !!!
Selekshon di Korsou den centerfield prome ku termina e klousura ofishal di e kampionato.
Pabien na e ekipo di Kòrsou ku lo sali di Boneiru 3’or pm pa yega 3.15 pm na aeropuerto na Hato. Ta spera un públiko grandísimo na aeropuerto Hato na yegada di nos muchanan.
NUMERITONAN
Kòrsou a skor 1 kareda, bati 2 hit i hasi 1 eror. Entwin Regina tabata e picher ganadó bayendo henter e ruta. Juremi Profar i Suenley Paulina a bati di 3-1.
Puerto Rico no a nota kareda, nan a dal 1 hit i hasi 1 eror. Cristiaan Ortiz a resultá e picher pèrdèdó i Cristian Santiago a bati di 2-1.
No comments:
Post a Comment