Nos Goso ta gana Warriors ku skor di 2-0 den The Champions League

WILLEMSTAD - E interesante kampionato di The Champions Softball League a sigui ku e
siguiente resultadonan.
Den un wega di bon nivel Nos Goso ta gana di Warriors ku skor di 2-0.
Play-off di e parti komersial di e liga ta start mayan djabièrnè 1 di ougùstùs na Frank Curiel Ballpark.

Nos Goso a bati 7 hit i no a kometé eror. Picher ganadó Carlientje Cleopa i na bate Suminta Ricardo di 2-2.
Warriors a bati 5 hit i pifia na 2 okashon. Nathaly Elisabeth tabata picher pèrdèdó i mihónan na bate: Soraida Louisa, Dulce Petrona i Minerva Maduro tur di 1-1.

Rising Trotters 5, Treasure New Era 3
Rising Trotters a konektá 5 hit i hasi 3 eror. Picher ganadó Marelva Victoria i na bate a destaká Janella Comenencia di 3-2.
Treasure tabatin 6 hit i 4 eror. Carine Fluonia tabata picher pèrdèdó i na bate Marilyn Martis di 2-1.


The Champions 8, Warriors 3
The Champions a bati 11 hit i kometé 3 eror. Janet Iltes tabata picher ganadó i na bate Janeth Iltes mes i Ximena Balochie di 3-2. Warriors a bati 9 hit i a kometé 6 eror. Picher pèrdèdó Nathaly Elisabeth i na bate Bigala Winklaar di 3-2.

Rising Trotters 5, Warriors 4
Rising Trotters ku ta gana nan di dos wega a konektá 10 hit i pifia na 3 okashon. Svenska Martiszoon ku a relevá Moia Hooi tabata picher ganadó. Na bate Yahaira Antersijn, Joice v/h Kruys i Gisela Sling di 3-2.
Warriors ku ta pèrdè nan di 3 wega den 3 dia tabatin 3 hit i 3 eror. Picher pèrdèdó: Minerva Maduro i na bate Miosotis Yearwood di 1-1.

KOMERSIAL
FEMENINO
SGR 7, RBTT 4
SGR a bati 6 hit i kometé 7 eror. Mirtha Elisabeth tabata picher ganadó i na bate Shahaira Kooks di 2-2. RBTT tabatin 4 hit i 2 eror. Carine Denisia tabata picher pèrdèdó i Ludmila Rojer a bati di 2-1.

Giro 11, Selikor 3
Giro a konektá 10 hit i kometé 4 eror. Mirella Streden tabata picher ganadó i mihó na bate Sheritsa Stroop i Sherda Frey. Ambos a bai di 2-2.
Selikor a bati 3 hit i kometé 5 eror. Picher pèrdèdó Maustella Bernabela i na bate Shariffa Finies di 2-2.

UNA 4, Building Depot 0
UNA a bati 9 hit i no a kometé eror. Milady Pereira tabata picher ganadó. Na bate a destaká Juretty Poula i Juraine Balentina di 2-2. Building Depot a konektá 4 hit i hasi 1 eror. Mihó na bate Niasotis Dandere di 2-2.

Kooyman 11, MLS 0
Kooyman a konektá un total di 16 hit i kometé 1 eror. Valeri Stins tabata picher ganadó i na bate a destaká Tatiana Betorina di 3-3 ku 1 homerun den tereno.
MLS no a bati di hit i a pifia na 3 okashon. Edseline Kook tabata e picher pèrdèdó.

KOMERSIAL
MASKULINO
Coca Cola 23, Selikor 7
Ku resultado di e wega aki, Coca Cola ta terminá na di 2 lugá den su pul lagando Selikor na di 3 lugá. Coca Cola a bati 23 hit i no a hasi eror. Shalon Martis tabata picher ganadó i Cedric Curiel a destaká na bate bayendo di 5-5. Remy Thielman i Steven Thomas a konektá 1 bataso di kuater skina. Selikor tabatin 7 hit i 3 eror. Picher pèrdèdó Russel Hellement i mihó na bate Lionel Sille di 3-3. Ando Cijntje tabatin 2 bataso di kuater skina.

PLAY-OFF
"Playoff" Komersial
E kampeonato di The Champions Softball League ta kontinuá den fin di siman riba djabièrnè, djasabra i djadumingu na Frank Curiel Ballpark ku weganan di "Playoff" Komersial femenino i maskulino. Un invitashon ta bai na un i tur pa bin disfrutá di e weganan aki.