Harlem Power i Carpatula ta gana den Sòftbòl Maskulino Fastpitch

WILLEMSTAD - Fastpitch a kontinuá Valentine’s Day ku dos partido di kual e di dos tabata hopi emoshonante.
Den e promé partido Harlem Power no a hasi e mesun eror di siman pasá ora awaseru a para e wega ku Clase Aparte kómodamente ganá.
Den wega number dos Carpatula ta gana Awa Limpi 10-9 den un wega pèrta i emoshonante.

Den e promé partido ku ta unu di ‘reschedule’ Harlem Power a gana kómodamente 9-2 di Clase Aparte.
Pa Harlem Power 9 kareda riba 3 hit so i nan a hunga impekabel! Picher ganadó Edison Sambo i mihó bate Purcey Schoop i Quincy Kook di 1-1.

Clase Aparte a hinka solamente 2 kareda riba 4 hit i nan a kometé 2 error. Pitcher Pèrdèdó Shurently de Lima i Shurendy Balentina i Erickson Senior a bai 1-1.

E di dos partido tabata realmente un wega yena ku emoshon.
Un wega ku ora kada ekipo tabata na bate nan tabata bai ariba den e anotashon.
Den kabes di 5 inning ta Awa Limpi ta bai ariba atrobe pa tòg den bòm di 5 inning pèrdè e partido 10-9 kontra Carpatula.

Pa Carpatula 10 kareda riba 10 hit pero ku 3 eror! Pitcher ganadó tabata Angel Brunken i na bate Jurendy Windster i Vernon Bautista di 2-2. Carpatula a bati 2 homerun. 1 di Vernon Bautista i unu di Lenko Elisabeth.
Pa Awa Limpi 9 kareda 6 hit 0 eror i a pèrdè Francisco Alcantara.
Na bate Shurendel Mujica 2-2 i Wilhelm Lindeborg tabatin 1 homerun.