Torneo Pim Fangman lokal i internashonal ta sigui e wikènt aki

WILLEMSTAD - E torneo tradishonal Pim Fangman ta sigui e wikènt aki na tereno di UTS na Regentesselaan i na Suvek Ballpark.
Awaseru a stroba desaroyo di e torneo ku tur aña ta drei zetá.
Softballcuracao.com a risibí un komunikado di Terremaster tokante di e torneo i kiko ta bai pasa e wikènt aki.
Dos ekipo di Repúblika Dominikana i unu di Boneiru tei manera ta kaso tur aña.

KOMUNIKADO TEREMASTER
“Primeramente un kordial saludo deportivo,
Pa medio di esaki, nos ta pidi boso komprenshon i koperashon pa nos por kulminá nos torneo 2009. Manera boso sa kaba, Mama naturalesa no a koperá masha ku nos i nos a haña nos obligá di posponé dife-rente wega.
Konsekuensha di esaki ta ku nos a kai kòrtiku na tempu mirando ku nos tin ku kaba promé ku Karnaval.
Pa e motibu aki nos ta supliká boso pa koperá ku nos.
Posibelmente boso lo tin ku hunga 2 wega riba djasabra i dos wega riba djadumingu (esnan ku sigui). Fuera di esaki, esnan ku klasifiká pa semi-final, lo haña sa djis despues kun nan kaba di hunga nan último partido regular, esta djasabra 7 di febrüari.

Mirando ku bo no por laga un ekipo hunga 3 wega riba un dia, nos lo saka kampion, supkampion, di tres lugá i di kuater lugá di e kopa rotativo "Pim Fangman" a base di menos kareda kontra den semi-final.
Kier mèn ku e ekipo ku risibí menos kareda, lo bira e kampion di e Kopa Rotativo.
Alaves nos a ahustá e tempu di wega na 1.15 minut pa kada wega.

Den e parti femenino si nos lo hunga final i di tres ku di kuater lugá tambe.
Nos ta bolbe supliká boso pa komprenshon i kopera-shon pa nos por terminá e torneo ku éksito. Alaves un suplika pa yega tereno na ora pa asina nos por kuminsá na ora i no brua e skèdjel. Huntu ku esaki boso lo risibí un skèdjel nobo ahustá. Riba djasabra 7 nos lo hunga riba SUVEK i na UTS tambe. Por ta ku e ta mustra un tiki kompliká pero nos ta dispuesto na splika kualke pregunta i duna aklarashon riba dje.

Di antemano un Billon di danki.”

Karta di parti di Rene Hooi na nòmber di e ekipo orga-nisadó di Kopa Pim Fangman, Terremaster.