Sr. Niels Francisco Liberia a nase dia 4 di yüni 1938 i a fayesé dia 31 di mei 1998.
E tabata kasá ku sra. Maria Liberia-Pieters, for di kua matrimonio a nase tres (3) yu. Dos (2) muhé i un (1) hòmber. Crystal i Dionne Liberia i Niels Liberia Jr.
Den prinsipio di añanan 50, sr. Niels, a kuminsá praktiká deporte di "Basketbòl" komo Junior siendo alumno di Sint Thomas College, miembro di SITHOC. Komo hungadó den tim di "Senior" di SITHOC, sr. Niels a partisipá den dife-rente selekshon ku a re-presentá tantu Kòrsou komo Antia Hulandes na Aruba, Venezuela (Valencia), Sürnam i Colombia.
Den añanan 1969/1970, sr. Niels a lanta ekipo di SITHOC-damas I Olympic-damas.
Den añanan 1970/1980 sr. Niels a funshoná komo entrenadó i coach prinsipal di selekshon di Kòrsou i di Antia na entre otro Weganan di Reino na Sürnam i Hulanda, Weganan Sentro Amerikano i di Caribe na El Salvador, Colombia i Panamá.
Na aña 1984, selekshon di damas di Kòrsou a titulá kampion na Aruba bou di "coaching" prinsipal di sr. Niels asistí pa Cedric Mambre.
Na aprel 1976, sr. Niels a risibí di "La Organizacion Deportiva Panamericano" na Panamá, Diploma Cum Laude de Capacitacion, komo entrenadó deportivo den "Basketbòl".
Na sèptèmber 1976, sr. Niels a risibí "Certificado de Participacion", Solida-ridad Americana.
Na Novèmber 1976, sr. Niels a risibí "Certificado di Capacitacion".
Den e periodo di transi-shon di 1996 pa 1998, sr. Niels a forma parti di CUBAFE.
Na aña 1997, Rein Persaud a aserká sr. Niels Liberia, pa nara weganan durante di transmishon di Weganan di Reino.
Sr. Niels, a risibí e si-guiente rekonosimientunan:
* Na aprel 1971 Skalchi di Plata di Olympic-damas;
* Na òktober 1991 Plaka di Mérito di komishon *Basketbòl" Otrobanda;
* Na desèmber 1991, Plaka di Mérito di CUBAFE;
* Plaka di Mérito di FEBEKO pa su koöpera-shon duna na Beisbòl di Kòrsou
* Na novèmber 2003, Federashon ku ta manehá fasilidat deportivo a nombra e sala Multifunshonal di Deporte na Suffisant na "Sala Multifunshonal Niels Liberia.
No comments:
Post a Comment