Bombers i Dok kampion Torneo 30 aña Sigi Gosa

WILLEMSTAD - Bombers a gana Destroyers 17-11 den èkstra inning i Dok a derotá Aqualectra pèrtá 15-14 den dos gran final djadumingu 5 di aprel 2009 na Suvek Ballpark.
Bon públiko a akudí na Suvek pa mira e weganan final i semi-final.

Bombers kampion, miembro di Sigi Gosa Ettienne Goeloe ta entrega premio

Bombers a gana Destroyers den inning number 8 despues ku e wega a keda empatá 11-11 den bòm di di 7 inning. Destroyers komo ekipo di kas e empatá e wega ku 0 out den bòm di di 7 inning, pero no por a logra anotá un kareda pa laga Bombers den tereno.
Den kabes di di 8 inning Bombers ta logra nota 6 kareda pa hala kita leu bai laga Destroyers. Kenny ‘Refuse to Loose’ Hellement a bai henter e ruta pa Bombers i bira picher ganadó. Sherman Cras ku a relevá Naai Hooi pa Destroyers den di 7 inning a resultá e picher pèrdèdó.

Dok Kampion atrobe

Dos wega final emoshonante.
Despues di wega tabatin entrega di kopa na ekiponan kampion i supkampion.

CDM 15, Aqualectra 14
CDM a dal 18 hit i hasi 3 eror. Richard Koeiman a gana i Jonathan Statia a bati di 4-3. Bertyson Ignatia di 5-4. Bertyson (Nacho Polis) Ignatia a bati 2 homerun. Jonathan
Statia i Luisgardo Alvarez a bati 1 homerun.
Aqualectra a bati 20 hit i hasi 1 eror. Riley Toppenberg a pèrdè i Darin Petrona a bati di 2-2. Roderick Sambo i Dennis D’Arnault a bati un homerun.

Bombers 17, Destroyers 11
Bombers a dal 14 hit i hasi 1 eror. Donovan Seferina a gana i Luigi Virginia a bati di 3-2.
Jair Josepha i Dave Kirindongo (Swift Connection) a dal 2 homerun. Stanford Landburg tabaitn un homerun.
Destroyers a dal 13 hit i kometé 1 eror. Sherman Cras a pèrdè i Arthur Bonevacia Sr. a bati di 2-2. Arthur Bonevacia Jr, Erling Gosepa i Merieldo Trinidad tabatin un homerun.