Palabra di komishon Torneo SBAB 2009

Apresiabel amigunan / koleganan deportista,

Danki pa ta partisipando na nos / boso torneo “SBAB Social Softball Tournament 2009”
Ta ku bosnan aporte e torneo aki ta posibel i danki na boso sosten e la krese i bira e torneo tan grandi i eksitoso ku e ta awe. Mirando kon nos a kuminsá na 2006 i na unda nos ta awe, ta demas menshoná e konklushon ku Kòrsou ta karga ku persona positivo i ku semper union ta vense!!!!

Meta prinsipal di e torneo aki ta pa nos interkambiá un ratu riba tereno deportivo i sosialisá ku otro kompanianan, lubidando ofisina, kòmpiuter, telefòn i rutina di tur dia. Di e forma aki nos ta laga tur e stress na kantor / trabou i pasa un ratu dibertido. Kompetiendo nos ta sera lasonan di amistat nobo, fortifiká esnan eksistente i asina alabes kontribuí na e gritu nan di union pa engrandesé e pais Kòrsou.

Boso aporte ta di mayor importansha pa nos logra nos meta. Ta p’esei nos ta súplika tur partisipante pa akudí na e fecha nan stipulá riba e skema i hasi esaki ku un aktitut hopi positivo. Ku sosten di boso fanátikonan nos por hasi e 1 luna aki sumamente alegre, deportivo, plasentero i eksitoso.

Ku saludo deportivo nos ta finalisá.