Sr. Casper direktor di SBAB tokante Torneo SBAB 2009

Invitashon i gradisimentu na organisashonan partisipante di parti di sr. Casper

E aña aki tambe mi kier gradisí tur ekipo ku a akseptá nos invitashon pa partisipá den e torneo di softball ku SBAB ta organisá. Ku e torneo aki SBAB e aña aki atrobe kier realisá e siguiente metanan.

• hasi kosnan positivo y kontaminá otro organisashonnan pa nan tambe hasi kosnan positivo;

• haña e oportunidat di konosé e empleadonan di e otro organisashonnan den un esfera ku no ta di trabou y duna e organisashonnan e oportunidat pa konosé e otro kara di SBAB;

• hasi uso di e oportunidat pa den un esfera deportivo tende di e organisashonnan kiko SBAB por hasi diferente y den ki forma SBAB por drecha su servisio;

• aksentuá ku SBAB y e organisashonnan ku ta partisipá banda di metanan ekonómiko y komersial mester tin komo meta prinsipal perkurá pa un Kòrsou positivo y uni.

Mi ta spera ku huntu ku bosonan nos lo por hasi e torneo aki esun mas grandi den Caribe si e no ta kaba. No mas grandi so na kantidat di ekipo. Pero mas grandi pa loke ta trata, deportivismo, mas komprenshon i rèspèt pa otro, estímulo pa trata otro bon riba tereno i den ambiente di trabou, fraternidat, oido pa opinion di otro, transparensha pa loke ta trata e torneo, pa loke ta trata nos empleo y nos forma di biba..

Let’s play ball and have a lot of fun in this tournament, in which benchwarmers will become stars.


Sherwin Casper R.A.