Softballcuracao.com ta un fanatiko grandi di Torneo SBAB i ta reprodusí algun detaye di torneo SBAB pa otro organisashon na Kòrsou, Antia, Aruba i Hulanda por kopia esaki i organisá tipo di torneonan aki.
Kos bon ta kos di kopia.
Meta di torneo
Meta di e torneo aki ta pa BAB por sera konosí ku mas empresa i alabes pa kada ekipo por traha riba nan teambuilding. Ademas nos ke mantené e relashon ku ya kaba nos a forma ku e diferente team nan partisipante. Banda di esei ku e torneo aki nos ke promové “sportiviteit” i hinka tur hende un tiki den e direkshon di hasi deporte.
Saludo despues di homerun di Rajiv Landaeta di SBAB.
SBAB Softball Teams
Nos ekipo nan a kuminsá 3 aña pasa gewoon komo un basilon, interno nos a organisá wega nan i asina traha riba un teambuilding. Mirando e éksito ku esaki ta tin, nos a disidí di kuminsá ku un torneo den kual nos por invitá mas organisashon. Esaki a resultá den e promé SSST den aña 2006. For di tempu ku nos ekipo nan a lanta te ku aworakí nos ekiponan a krese den diferente área, no solamente riba e tereno di softball mes, pero nos ta nota e desaroyo riba nivel di teambuilding tambe.
Ya kaba tur 2 ekipo a logra sali kampeon den torneo nan ku nos a partisipá ne. Dus asin’ei bo ta mira ku saliendo for di team nan ku no tabata por kasi nada di e deporte bo team por forma i bira fuerte.
Algu masha partikular i positivo i ku por ta un motivashon pa tur e team nan ku ta pa promé bes ku nan ta bai partisipá den un torneo ta e echo di mira kon nos team femenino a krese. Resumiendo, e torneo aki tei pa kada organisashon partisipante por krese ku nan team i alabes sosialisá ku otro ekiponan/organisashon nan partisipante i SSST sigur a demostrá ku e meta aki a wòrdu logra kada aña di nobo.
Torneo
Periodo
E torneo lo kuminsá dia 11 di aprel 2009 i lo terminá dia 2 di mei 2009. Durante di e periodo aki lo tin wega nan den wikènt (djabièrnè, djasabra i djadumingu) i durante di siman riba djamars i djaweps. E wega nan lo tuma lugá na Suvek Ballpark.
Struktura
Ta e intenshon pa e aña aki nos konta ku partisipashon di 20 team femenino i 32 team maskulino. E team nan lo wòrdu repartí den divishon Social i Challenger i kada divishon lo wòrdu repartí den Pool.
E aña aki tambe nos lo tin e all star game i e homerun derby, tantu pa e team di dama komo e team di kabayero. Abase di statistiknan lo skohe un hungadó di kada ekipo (femenino/maskulino) ku lo partisipá na e all star game.
Kada ekipo (femenino/maskulino) lo wòrdu representá pa un hungadó den e homerun derby. Kada ekipo mes por skohe nan representante.
Regla nan di partisipashon i di wega
Manera ya kaba a wòrdu bisa, nos ta organisá e torneo aki mas den un esfera sosial, dus no riba un esfera kompetitivo. Pa nos por logra esaki nos mester analisá e torneo di aña pasa i bini ku regla nan adishonal pa baha e nivel di kompetensia.
Regla nan di partisipashon
• Organisashon
• Grupo kultural
• Kompania di gobièrnu
• Ekipo Femenino i Maskulino
• Un organisashon animá, positivo i spòrtif.
Reglanan di torneo
Manera boso tur sa, SBAB ta haña hopi importante pa organisá un torneo bon regla, kaminda tur hende sa kiko nan por spera i tambe kiko ta spera di nan. Esaki ta un di e motibunan pa kiko tur aña di nobo nos ta analisá nos reglanan pa asina yega na un pakete ku ta dek mas rísiko posibel ku por ta negativo pa e torneo.
E aña aki tambe tin algun regla ku ta bale la pena analisá i ta p’esei nos ke pidi boso koperashon, mirando ku ta boso ta esnan ku ta engrandese e torneo aki. Nos ke boso partisipashon pa loke ta trata e manera di hunga. Tur sugerensha ta bon bini i den futuro nos sigur lo konsider’é.
Material y eksigensia nan pa fia material
Pa e organisashon nan ku no ta disponé di material, nos lo zorg pa 4 saku di material. Solamente esun na kabes di e team lo por fia esaki i e lo tin ku firma pa hasi esaki. Esei ta nifiká ku nos ta sera un akuerdo na momentu di fia saku di material. Na momentu ku bin trese e saku bek un empleado di BAB lo firma ku tur kos a wòrdu entrega den bon estado. Si esaki no ta e kaso e organisashon ku a fia e saku di material lo tin ku paga un taxatieve boete pa kada material ku di un manera òf otro a wòrdu kibra i/òf pèrdí. Por ehèmpel pa kada wante pèrdí lo tin ku paga NAfl. 200 sin importá si ta trata aki di un wante nobo òf no. Kemen ta kuidadoso i atento ku e material nan ku bo fia.
• E team di dama no por fia e tas di material di e kabayero nan i e kabayero nan tampoko no por fia e tas di material di e dama nan.
• Entrega e tas di material despues di kada wega i eventualmente fia esaki bek. Esei ta nifiká ku no por fia tas onderling paso kòrda ku ta bo organisashon ta esun ku ta keda responsabel si un material pèrdè.
• Lo no fia material los. Tin ku fia e tas kompletu.
• Tas nan di material pa dama nan:
Nos lo tin 2 tas di material pa e dama nan. Den kada un di e tas nan aki lo tin 10 bala, 10 wante ( 9 reks i 1 links), 2 bate i un cachera.
• Tas di material pa e kabayero nan:
Lo tin 2 tas di material pa e kabayero nan. Den kada un lo tin 10 bala, 2 bate i cachera. Pa e kabayero nan no tin wante. Kiermen a bira tempu pa e kabayero nan tin na propio wante.
No comments:
Post a Comment