Domi, Revelation Stars, Veteranos i GGD ta klasifiká pa play-off Liga Amistad

WILLEMSTAD - E último kuater ekiponan di Liga Amistad ta konosí. Play-off page system ta start djadumingu awor na Ricardo Elhage Ballpark na Zapateer. Domi, Revelation Stars, Veteranos i GGD a klasifiká pa e play-off.
Domi a klasifiká number unu, Revelation Stars number dos, Veteranos number tres i GGD number kuater.

Domi a terminá ku rèkòrt di 4-1 i e otro tres ekiponan ku rekòrt di 3-2. Ku diferensia di kareda i serie partikular entre e ekiponan a yega na e standing final.

SKEDJEL PLAY-OFF
Djadumingu 29 di novèmber
10.00 Domi AutoCity -
Revelation Stars;
12.00 Veteranos San Marco - GGD;
14.00 Domi AutoCity - Revelation Stars;
16.00 Veteranos San Marco - GGD.

RESULTADONAN
Domi 10, Revelation Stars 7
Domi a dal 11 hit i hasi 3 eror.
Heinrich “Pa’ Martina a gana. Luigi Bakmeyer, Randolph Kirindongo i Charlton Merite a bai di 4-2.
Luigi Bakmeyer, Mayron Wijman, Randolph i Dave Kirindongo i Heinrich Martina a bati homerun.
Revelation Stars a dal 11 hit i kometé 2 eror. Wim Felicia a resultá e picher pèrdèdó i Jair Josepha a bati di 3-3.
GGD 15, Magic Kaba Kos 5
GGD a konektá 15 hit i hasi 2 eror. Gregory Martijn a gana i Gedion Sambo a bati di 3-3. Tyron de Palm a bati di 2-2.
Magic a konektá 7 hit i hasi 2 eror.
Friedrich Carolus a pèrdè i Aldrin Paesch a bati un homerun.

Veteranos 11, Nos ku Nos 1
Veterano a konektá 14 hit i hunga sin eror. Mayron Martinus a bati di3-3.
Michelangelo Cijntje i Sidney de Windt a konektá un homerun.
Nos ku Nos a bati 3 hit i hasi 1 eror.
Nervin Brunken a resultá e picher pèrdèdó i Eugene Antonia a bati di 2-1.
Humphrey Antonia tabatin un homerun.