Latin Caribe ta dal Chincho Sharks duru ku skor di 22-11 den Round Robbin Liga Amstel

WILLEMSTAD - Latin Caribe a zona Chincho Sharks ayeranochi na Suvek Ballpark.
E ekipo formá pa Latino-nan bibá na Kòrsou a bati Chincho ku skor di 22-11.
Enrique Madera tabata klave pichando i batiendo pa e ekipo Latin Caribe.
Den e otro wega Skarlo a nòkout Omel 22-2.

Latin Caribe 22, Chincho 11
Latin Caribe a dal 16 hit i hasi 3 eror. Enrique Madera a gana i e mes a bati di 3-3. William Lockart a bati un homerun.
Chincho Sharks a dal 10 hit i hasi 9 eror (fuera !).
Raylison Gijsberhta a pèrdè i e mes a bati di 1-1.
Shurendy De Lima tambe a bati di 1-1.
Raylison Gijsbertha i Jourmaine Josepha tabatin un homerun.

Skarlo 22, Omel 2
Skarlo a bati 19 hit i hasi 1 eror. Glendomar Davelaar a gana i Ericson Martina a bati di 3-3. Kenrick Fraai tambe a bati di 3-3. Gerald Leonora, Silvio Cruz, Robert Anastacia i Kernrick Fraai a konektá un homerun.
Omel a dal 2 hit i hasi 2 eror. Axel Gomez a pèrdè i Germaine Genaro a bati di 1-1.