Swift i Destroyers ta gana ayera pa empatá serie final Liga van Engelen

Swift a gana a promé wega 6-5, Destroyers a dal Swift duru 12-2 den wega number dos pa e serie final Liga van Engelen empatá sensashonalmente djadumingu 8 di novèmber 2009 na Suvek Ballpark.
Un públiko grandi a akudí na e parke pa mira e dos grandinan di Liga van Engelen 2009 enfrentá otro.
E wega finalísimo lo ta djadumingu 15 di november 2’or na Suvek Ballpark.

RESULTADONAN
WEGA 1
Swift 6, Destroyers 5
E ekipo Swift a bati 6 hit i nan no a kometé eror.
Donovan Seferina tabata picher ganadó, miéntras Eldred Juliana i Jair Josepha a bati di 1-1.
Jarl Henriquez a konektá 1 homerun.
Destroyers tabatin 5 hit i nan a hasi 1 eror.
Rignald ‘Naai’ Hooi a resultá e pèrdèdó i Sherton Saturnino a bai di 3-2.
Sherton Saturnino a konektá 2 bataso di kuater skina i
Urving Sambo a konektá unu.

WEGA 2
Destroyers 12, Swift 2
Destroyers a bati 11 hit i nan a kometé 1 eror.
Gregory Martijn a gana, miéntras Gilbert Juliet a bai di 4-3. Sherton ‘Sato’ Saturnino i Ludwig Pietersz a konektá 1 homerun.
Swift tabatin 6 hit i nan a kometé 1 eror.
Donovan Seferina a pèrdè i Enrique Kroon a bai di 3-2.
Enrique Kroon a konektá 1 homerun.
Keda pendiente pa mas detaye den kurso di siman.