Revelation Stars ta derotá Veteranos San Marco 17-11

WILLEMSTAD - Revelation Stars ku picheo atrobe di Wim Felicia a dal Veteranos San Marco 17-11 djadumingu 1 di november den kontinuashon di Round Robbin Liga Amistad.
Veteranos ta kampion di aña pasá i Revelation Stars ta supkampion.
Den e otro weganan Magic ta gana Nos ku Nos 13-6 i mas den atardi GGD ta dal Domi duru 19-5.

Revelation Stars 17, Veteranos San Marco 11
E ekipo Revelation Stars a bati 16 hit i nan a kometé 3 eror. Willem Felicia tabata e picher ganadó, miéntras Ludwig Pietersz a bai di 4-4.
Merieldo Trinidad a koneká 2 homerun.
Roderick Postina, Irvin Sambo, Ludwig Pietersz i Faisel Pereira, tur a koneká 1 bataso di kuater skina.
Veteranos San Marco tabatin 14 hit i nan a hasi 2 eror.
Ericson Senior tabata picher pèrdèdó i e mes a bai di 2-2.
Sharlon Louisa, Sidney de Windt i Kenrich Valpoort, tur a konektá 1 homerun.

GGD 19, Domi Auto-City 5
GGD a konektá 23 hit i nan a hunga impekabel.
Gregory Matijn a bai ku e viktoria i Jersey Leito a bai di 5-5.
Tyronne de Palm, Matias de Leon i Tjark Valies, tur a konektá 1 homerun.
Norvaniel Aniseta a konektá 2 homerun.
Pa Domi Auto-City 8 hit i 5 eror. Ellerick Rodriguez a sufri e derota
Heinrich Martina a bai di 2-2 inkluyendo 1 homerun.

Magic Kaba Kos 13, Botika Mampuritu 6
Magic Kaba Kos a bati 12 hit i nan a hasi 3 eror.
Francisco Alcantara a gana, miéntras Edmiro Chirino i Gustavito Tovar a bai di 2-2.
Sharlon Noor a konektá 1 grandslam.
Botika Mampuritu tabatin 6 hit i nan a hasi 2 eror.
Angel Brunken a pèrdè i Brian Kook a bati di 3-2.