Rising Trotters ta gana dos wega i klasifiká pa play off

WILLEMSTAD - Rising Trotters ta gana 2 wega i klasifiká pa weganan di playoff.
E kampionato di sòftbòl di The Champions League ku ta den su fase final di kampionato regular a kontinuá den fin di siman ku e
siguiente resultadonan.

Rising Trotters 4 ,Warriors 3
Jacqueline Sophia a konektá hòmrùn den tereno di wega i empuhá 3 kareda pa Rising Trotters gana di Warriors 4-3.
Pa Trotters 4 kareda, 10 hit, 3 eror. Janella Comenencia a gana.
Na bate Jaqueline Sophia di 3-3. Warriors 3 kareda, 11 hit, 1 eror. Mayris Obispo a pèrdè.. Na bate, Grace Girigorie, Soraida Louisa i Marvis Elizabeth, tur di 3-2. Jaqueline Reina a bati di 1-1.

Warriors 9, Destination 0
Warriors 9 kareda, 9 hit i 1 eror. Minerva Maduro a gana. Na bate Diane Hersisia i Gertrudis Cordilia, ambos di 3-2.
Destination 0 kareda, 3 hit, 5 eror. Eligia Pauletta a pèrdè.Na bate Dalila Martina, Melisa Arias i Ruthsela Cecilia, tur di 2-1.

Nos Goso 7 kareda, 8 hit, 1 eror. Myrtha Elizabeth a gana. Na bate Aslia Finies di 3-3. Ku e viktoria aki Nos Goso ta terminá kampionato regular na promé lugá.
Treasure 3 kareda, 4 hit. Enith Hooi a pèrdè. Na bate Xiomara Francisca, Cynthia Francisca i Jurnille D'arnault, tur di 2-1.

The Champions 9, Destination 3
Pa The Champions 9 kareda, 12 hit, 4 eror. N.Tomsjansen a gana. Na bate Rosa Muskus di 3-3. Destination 3 kareda, 6 hit, 3 eror. Angeldwina Sambo a pèrdè. Dulcela Martina di 3-2.

Rising Trotters 5, Treasure New Era 1
Pa Trotters 5 kareda, 9 hit, 3 eror.Picher ganadó Janella Comenencia. Jackeline Sophia di 2-2. Ku e 2 viktorianan aki durante fin di siman Trotters a sigurá un posishon pa e weganan di playoff.
Pa Treasure ku di e manera aki ta pèrdè 3 wega den nan último partidonan, 1 kareda, 7 hit i 1 eror. Carine Fluonia a pèrdè. Sharine Hanse a bati di 2-2.