Umpire Eddy Finies a dirigi tremendo wega 7 inning kompletu den menos ku dos ora den Beisbol Veterano

WILLEMSTAD - Prome ku nos duna resultado di weganan di beisbol di veterano di e wikent nos ke pone atenshon riba termendo trabou di umpire Eddy Finies ku djaduming a chief e wega entre Vosama kontra Eagle. Un wega dirigi hopi bon ku a bai shete inning kompletu den menos ku dos ora. Un trabou ku merese menshon speshal pasobra ultimo tempu ta masha poko wega ta hunga kompletu den e tempu reglamentario.

Esaki hopi biaha ta debi na e ekiponan pero tambe na e manera ku umpire dirigi su wega. Pues mester rekonose ku Finies a hasi un trabou ku a destaka I ku merese un menshon speshal. Duna Cesar loke ta di Cesar; ora umpire hasi fout nos ta kritika pero di otro banda ora nan hasi bon nos mester rekonose esei tambe.

Beisbol veterano ta hungando e ultimo weganan di prome buelta i djasabra awor 7 di ougustus lo kuminsa ku segundo buelta. Vosama a nokout Brievengat ku skor di 14 pa 1. Pa Vosama 14 kareda 12 hit i 0 eror. Picher ganado Wolllit Martha. Miho bate Mayron Clara di 4 – 4. Pa Brievengat 1 kareda 6 hit i 5 eror. Picher perdedo Shurmel Zimmerman. Miho bate Stanley Meyer di 1 – 1. Sta Rosa Memories a gana The Bulldogs ku skor di 5 pa 2. Pa Sta Rosa Memories 5 kareda 8 hit i 0 eror. Picher ganado Rignald Martina . Miho bate Gregory Reina di 3 – 3. Pa The Bulldogs 2 kareda 8 hit i 2 eror. Picher perdedo Wendell Elisabeth. Miho bate Charles Van Thijs i Faisel Pereira di 3 – 2. Yesterday ta gana di Azucar ku skor di 11 pa 3. Pa Yesterday 11 kareda 11 hit i 2 eror. Picher ganado Yubert Evertsz. Miho bate Anthony Martina di 3 – 3. Pa Azucar 3 kareda 9 hit i 2 eror. Picher perdedo Jurgen Susana. Miho bate Richenel Maria i Toncha Simmon di 3 – 2. The Bulldogs ta gana perta di Otrabanda ku skor di 4 pa 3 . Pa The Bulldogs 4 kareda 8 hit i 5 eror. Picher ganado Royston Bigote Privania. Miho bate Faisel Pereira di 3 – 2. Homerun di Faisel Pereira. Pa Otrabanda 3 kareda 3 hit i 1 eror. Picher perdedo Orsendo Servanie. Miho bate Norman Slobo Sloop di 2 – 1. Vosama a gana Eagle ku skor di 9 pa 0. Pa Vosama 9 kareda 6 hit I 0 eror. Picher Ganado Xaviero Avastia. Miho bate Xaverio Avastia di 3 – 3. Pa Eagle 0 kareda 5 hit I 5 eror.Picher perdedo Glenn La Cruz. Miho bate Hubert Perozo di 3 – 2. Faltando dos wega so di prome buelta e standing ta manera ta sigui;


The Bears 10 - 1
Vosama 9 - 1 - 1(pendiente)
Sta Maria Pirates 8 - 2 - 1
Sta Rosa Memories 8 - 3
Nos Union 7 - 4
The Bulldogs 6 - 4
Otrabanda 4 - 7
Yesterday 4 - 7
Azucar 4 - 7
Eagle 2 - 9
Brievengat 1 - 8
Surprise 0 - 10