Sharks di Kid Boca Chica ta gana Flamboyan 14-6 den Liga 50

WILLEMSTAD - E ekipo nobo den Liga 50, ekipo Sharks di Kid Boca Chica, a kuminsá kue ritmo den Liga 50. Sharks a dal Flamboyan fásil 14-6 último den Liga 50 na Cirilo Chirino Ballpark.
Liga 50 ta sigui tur djasabra ku 4 wega na Cirilo Chirino Ballpark. Di dos buelta ta terminá 4 di sèptèmber i play-off ta start entre e promé kuaternan.


Sharks 14, Flamboyan 6
Sharks a dal 18 hit i hasi 4 eror. Willem Felicia a gana i e mes a bati di 4-3. Abelino Julia i Marlon Romer tambe a bati di 4-3. Marlon Romer (ruman di Ralph Pereira) tabatin un homerun.
Flamboyan a dal 6 hit i hasi 3 eror. Pedro Austriano a pèrdè i Harold Doorje a bati di 1-1.

Jaws 13, Amigos 2
Jaws a konektá 13 hit i hunga sin kometé eror. Selvin Arrindell a gana i Bramford Hasham a bati di 3-3. Amigos a bati 4 hit i kometé 5 eror. Silvania a pèrdè i Sandy Lint a bati di 1-1.