Sharks ta nòkout Los Amigos 13-0 den Liga 50

WILLEMSTAD - Liga 50 a sigUi djasabra último na Cirilo Chirino Ballpark na Trai Seru.
E ekipo di Kid Boca Chica Sharks ku ta rumbo pa klasifikashon a dal Los Amigos fásil ku picheo di Elmer ‘Bill SKS’ De Windt.
E otro ruman di Sharks ku ta Jaws mester a lucha pa gana Flamboyan 10-8.
Despues di algun siman La Prensa Slowpitch tin resultado di Liga 50.

Sharks 13, Amigos 0
Sharks a dal 13 hit i hasi 2 eror. Bill de Windt a gana i Eulogio ‘Maiky’ Philips a bati di 2-2.
Amigos a bati 4 hit i hasi 2 eror. Sandy Lint a peèdè i Jubert Evertsz a bati di 1-1.

Jaws 10, Flamboyan 8
Jaws a konektá 11 hit i hasi 4 eror. Wilfred File a gana.
Edsel Betorina (ruman di Capy) i Riley Toppenberg a bati di 2-2.
Flamboyan a konektá 12 hit i kometé 3 eror. Pedro ‘Cubano’ Austriano a resultá e picher pèrdèdó.
Nelson Marks a bati di 3-3.

Caterpillar 8, Lions 0
Caterpillar a dal 10 hit i hunga sin eror. Nelson Candelaria a gana i Stanley Walle a bati di 2-2.
Lions a konektá 3 hit i hunga sin eror. Ramon Moreta a pèrdè i Gustaaf Barhorst a bati di 1-1

Marlins 9, Sluggers 2
Marlins di Jerry Booi a dal 9 hit i hasi 1 eror. Richard ‘Sha eks polis’ Albertsz a gana. Lincoln Echobardo i Rignald Hariquez a bati di 2-2.
Sluggers a dal 3 hit i hasi 2 eror. Stanley ‘Papa Upa’ Willems a pèrdè i Gerald ‘GGD’ Davelaar a bati di 2-1.