Algun dato di e gran Charlie Lau

ALGUN DATO DI E GRAN CHARLIE LAU...

Charlie Lau a fayesé, pero te ku awe e ta wòrdu rekordá komo un dje mihó instruktornan di bateo di baseball. Ta p’esei mes ta “great” algun dato di e gran Charlie Lau. Sigur nan lo por yuda nos.

Algun pregunta hasi na Charlie Lau:

Ki ta bo método básiko di siña un hende bati ???

Kontesta: Mi ta kere hopi den mekánika. Tur hende ku por ehekutá mekánika korekto mester por bati i bati e bala di baseball ku outoridat naturalmente asumiendo ku e tin bon bista, refleho, forsa i dedikashon pa traha i traha riba batimentu. Tambe bo mester tin kurashi. Tur hende mester surpasá e miedu o kontròl e miedu di haña un deadball.

Kiko bo ta konsiderá vital den mekánika di batimentu ??



Kontesta: E promé kos ta di sigui e bala tur ku tin te ora e hasi kontakto ku e bate. Tene e kabes ketu i totalmente konsentrá riba e bala. E siguiente punto: Bo mester tin bon balansa di kurpa promé kubo swing, durante di bo swing i despues di hasi kontakto ku e bala.
“Balansa” ta e palabra klave. Bo peso mester ta riba bo “bòl” di pia i bo sintura poko dobla padilanti, mannan mester ta konfortabel sin tenshon, rudianan poko dobla pa promové relahashon. E bate patras paralelo ku suela.
Un swing balansa na e momento apropiá lo eliminá mester eliminá tenshon i transformá bo peso di kurpa den e swing loke ta pone kubo ta dal e bala ku outoridat.
Sea ta baseball, bòkseo o futbòl, si bo tin bon balansa bo ta ehekutá muchu mas rápido. Check mayoria di atleta bon i lo bo tuma nota kon balansa nan ta kasi semper.

Kon bo ta splika e “stride” kubo tin di hasi ora bo ta bati ???

Kontesta: Atrobe, prinsipal ta kubo mester tin balansa despues ku bo stride. Ora bo pia dilanti mishi ku suela, bo man mester ta patras na lèter. Bo no mag di bin dilanti kubo mannan. Ta klave den bateo pabo mannan keda patras ora bo ta sperando e bala pa bati.

Ki otro mekánika bo ta pone énfasis riba dje ???

Kontesta: Mi ta kere kubo mester ekstendé bo mannan. Bo mester swing riba e bala stail di “chòp”, esta di ariba, bin abou.

Kon bo ta splika e batido pa bati pa rightfield ???

Kontesta: Si bo ta relahá sin muchu tenshon den bo man i brasanan ta fásil pa laga bo mannan kondusí e bate o sali promé i swing di aden, bai afó.

Kon bo ta logra perfekshon den bateo ???
Kontesta: Perfekshon den bateo bo ta haña ora bo ta trankil den “batters-box”, bo tin di eliminá tenshon i ‘steif’ ku un konsentrashon total, balansa, semper bista riba e bala i kabes ketu, man ta keda tras i ta wòrdu ekstendé kompleto.
Algun punto mas: Muchu batido ta trata di hala e bala, hasta ora e bala ta riba e skina afó. Bo mester pensa:”Kubri afó di e plato promé, bati mei mei di tereno. Kubri e parti paden di e plato último. Bati e bala kaminda e wòrdu tira”..

Kiko ta e fayo prinsipal den batidónan di muchanan di Little League i muchanan di Universidat ???

Kontesta: E fayo mas komun ta di kita wowo for di bala muchu lihe. Esei ta wòrdu kompaña pa halamentu di kabes i bo ta kita bai laga e bala i bo no por batiele bon.
Otro fayo: Muchu bati ta sera plato, ora e bala bin aden, nan mester hala pa batiele i nan ta kita nan kabes muchu lihé. For di momento bo kita bo wowonan for di e bala i move bo kabes bo ta den problema.
Otro problema ta ku ora e bala ta aden riba e batido e batido ta haña miedu di haña ‘deadball’ i e ta habri. Mi lo preferá e batido hóben para poko mas leu for di plato i move drenta den e bala. Asina e batido ta “shift” mihó i e por mira e bala mihó.

Skibi pa Taffy de Jongh....