Kontròl ta klave den picheo !!

Kiko ta klave den pitcheo ???? Kontrol. Kon ta hasi siña kontrola e bala miho ??? Kon un pitcher ta hasi drecha su kontrol ??? Kiko ta kontrol real pa un pitcher ???

E parti mental den pitcheo tin masha hopi di haber ku kontrol. Hasta den baseball di Grandes Ligas bo por ripara ku tin biaha e pitcher ta faya ku kontrol. Hopi biaha bo ta ripara tambe ku un pitcher ta perde kontrol, pero ora ku tin algun koredo na base e ta konsentra miho i ta kuminsa tira mas strike. Konsentrashon i aktitut mental tin hopi di haber ku kontrol i tiramentu di strike.
Kontrol den pitchamentu ta mas ku e abilidat di tira den zona di strike. Kontrol den baseball ta nifika kubo por tira riba skina i tene e bala abou. Strike afo i abou ta e lansamentu mas difisil ku tin pa bati.
Relaha tur momento ora kubo ta pitcha ta un “must”. Un ehempel hopi pitcher hoben ta tene e bala muchu duru, spesialmente ku nan duim. Esei ta destrui e akshon di pols i krea tension riba e man. Purba hasiele lo bo ripara primiendo e bala muchu duru kubo duim. Lo bo nota e diferensia. Un pitcher mester tene e bala manera e bala ta un webu. Pabo ta trankil prome ku un lansamentu kue un bon rosea. Un pitcher mester sa unda e ta bai tira kada i pakiko. Trankilidat i konsentrashon ta masha importante pa e pitcher. Si un pitcher por hasi esei durante wega konsistentemente elo ta un ganado sigur.



ALGUN PUNTO KLAVE DEN KONTROL...

Trata di parti e kurason dje plato ku e promé lansamentu abou tirando mei mei di e catcher su pia. Si bo ta bon e dia ei, e bala lo move i kue un dje skinanan. Tin pitcher tin biaha ta deseá di ta muchu kouteloso buskando skina. Si nan djis faya, nan ta den problema.
Ora e pitcher kai atras e ta krea problema pa sumes, sea e ta tira base por bola o un bala “gordo” ku e batido ta dal sin problema.
Semper tira riba un “target”. Esei ta eksigí konsentrashon i esfuerso. E Gran Stachel Page a desaroyá kontròl praktikando riba kaha di lusafè pa home-plate.
Trata semper di visualisá i antisipá e trayektoria di e lansamentu promé ku bo tira. Kuminsá tira kubo pia mei mei dje rùber, si bo ta “wild” paden o “wild” pafó, bo ta move riba e rùber, pero usa mes moveshon. Ora bo ta “wild” haltu, ta nifiká kubo ta lagando e bala bai muchu tempran. Ora bo ta “wild” abou, bo ta teniendo e bala muchu den bo man.
Krea un patronchi kaminda ku bo pia dilanti ta kai semper mes kaminda. (Sandy Koufax por a kalentá 20 minut i únikamente bo tabata mira un marka)
Tira tur lansamentu for di e mes ángulo. Usa e forma natural di tira pa tur lansamentu. Kontrolá lansamentu pa lansamentu, kuminsá ku e “fastball” te ora kubo por tira kaminda bo ta deseá den zona di strike.
Train promé tira den maskota di catcher, despues na su skouder i rudia, finalmente haltu aden. Usa e plato ora bo ta train, tira riba skina. Sa unda kada lansamentu ta bai i pakiko e ta bai ei. Tene bo kabes ketu !!!. Ora bo ta pitcha ku koredó na bate perkurá si sa unda bo ta bai tira promé kubo start pa bai den direkshon di plato. Parti bo tempu den training, tira mira di bo lansamentunan na banda o den “stretch-position”.
Hala un linea di 7 pia di bo “Pivot-foot” stret den direkshon di home plate. Ora bo tira bala si bo ta pitcher derecho bo pia robes semper mester kai na e banda robes dje linea. Esei lo evitá kubo ta tira kontra bo kurpa. (“across the body”)
Disiplina bo mes mentalmente. Ora bo rabia bo no por konsentrá !!!
Tira e bala duru ku konfiansa no mek i bai ku muchu kuidou.
Kore, Kore i Kore poko mas. Hopi biaha ora kubo pèrdè kontròl lat den wega ta paso físikamente bo no ta dje bon ei.
Ora bo yega vèlt check e kondishon di bientu. Bientu den bo lomba ta yuda bo “fastball”, bientu den bo kara ta bon pa kurva.
Kòrda semper ku un batido ku ta bati .300 ku ta un bon batido mes ta faya 7 di kada 10 biaha na plato. No bai ku muchu kuidou.
Papia kubo mes ora bo ta riba montikulo, ehèmpel, bisa:”abou i afó”, ketu bai, “abou i afo”. (Esei ta yuda kita distraishon)
Si bo lansamentunan ta yegando muchu haltu, mek riba sapatu dje batido. Dobla poko den rudia, si bo pia ta floho e ta kousa poko deskontrol.
KONSENTRASHON mester ta total. E gran Carl Hubbel a yega di bisa:”Si un hende yega serka bo ora bo ta pitchando i puntrabo bo number di telefon i bo sa e number ta nifiká kubo konsentrashon no ta bon”.

EKSITO !!!!