Catpower, Skarlo, Bombers, Gamers, Padres i Carpatula ta klasifiká pa Round Robbin di Liga Trai Seru

TRAI SERU - Djaluna, 17 di sèptèmber tabatin e último weganan di buèlta regular di Liga Trai Seru.
Carpatula ta logra gana di Gamers pa asina riba nan propio forsa klasifiká pa Round Robbin di Liga Trai Seru. E 6 ekiponan ku a logra klasifiká ta Catpower, Skarlo, Bombers, Gamers, Padres i Carpatula.

Play-off Round Robbin ta start djaluna 24 di ku e promé wega entre Skarlo i Carpatula pa 9’or di anochi.
Weganan ta sigui djabièrnè 28 di sèptèmber i djasabra 29 di sèptèmber.

RESULTADONAN
Djaluna 17 di sèptèmber
Carpatula 5, Gamers 4
E ekipo Carpatula a bati 7 hit i nan a hasi 2 eror.
Angel Brunken tabata esun ku a gana i Gilford Schmidt a bai di 3-3.
Ruwel Matrona a konektá un homerun.
Gamers tabatin 8 hit i nan no a kometé pifio.
Javier de Castro a pèrdè i Randolph Kirindongo a bati di 2-2.

Bad Boys 11, Venezuela 10
Bad Boys tabatin 17 inkogibel i nan a kometé 4 eror.
Glendomar Davelaar tabata e picher ganadó, miéntras Rigmar Domatilia a bati di 4-3.
Pa Venezuela Fabian Seraus tabata e pèrdèdó i David Marmol a bati di 1-1 komo e mihó bate.
Darwin Blanquicit a konektá un homerun.
E numeritonan di Venezuela pa loke ta trata hit i eror no a yega nos redakshon.