Nos Goso ta gana Treasure i pasa pa final kontra The Champions den The Champions League

SANTA MARIA - Ku gran aktuashon di Asila Finies i Carlientje Cleopa
Nos Goso ta pasa pa final. Despues di a pèrdè den nan promé wega, Nos Goso ta reakshoná i gana 2 wega for di Treasure i pasa pa e final pa enfrentá The Champions.

Djabièrnè den e promé wega Treasure a sa di gana ku skore di 9-8. Picher ganadó tabata Carine Fluonia ku a relevá Marcela Martis.
Na bate a destaká Xiomara Francisca bayendo di 2-2. Pa Nos Goso Carlientje Cleopa ku a relevá Shadira Pietersz a pèrdè i Asila Finies a bati di 4-3, inkluyendo un homerun. Leonise Avastia tambe tabatin un homerun.

Djasabra Nos Goso ta bin bèk i ta gana di Treasure 7-4. Carlientje Cleopa ta gana i Asila Finies a bati di 4-3. Carlientje Cleopa i Suminta Ricardo di 3-2.
Leonise Avastia ku un homerun.Pa Treasure a pèrdè Carine Fluonia i Xiomara Francisca a bati di 2-2.

Den e wega di djadumingu Nos Goso tabata demasiado fuerte i ta gana di Treasure ku skor di 13-0. Tabata e kombinashon di Carlientje i Asila ku a destaká un biaha mas pa Nos Goso gana fasilmente di Treasure i pasa pa e final.
Carlientje a sali picher ganadó i Asila Finies a
destaká na bate bayendo di 3-3.
Pa Treasure a pèrdè Marcela Martis i Geraldine Rodriguez a bati di 1-1.
Menshon spesial mester bai pa Asila Finies ku a bati di 11-9 den fin di siman i pa Carlientje Cleopa ku a sa di picha den tur 3 wega i gana 2 wega pa hiba Nos Goso na e gran final.